Psalms 5

Miajn vortojn aŭskultu, ho Eternulo. Trapenetru miajn pensojn.

למנצח אל הנחילות מזמור לדוד אמרי האזינה יהוה בינה הגיגי׃

Aŭdu la voĉon de mia krio, mia Reĝo kaj mia Dio; Ĉar al Vi mi preĝas.

הקשיבה לקול שועי מלכי ואלהי כי אליך אתפלל׃

Ho Eternulo, matene Vi aŭdas mian voĉon; Matene mi eldiras mian preĝon al Vi, kaj mi atendas.

יהוה בקר תשמע קולי בקר אערך לך ואצפה׃

Ĉar Vi ne estas tia Dio, kiu amas malpiaĵon; Malbonulo ne povas gasti ĉe Vi.

כי לא אל חפץ רשע אתה לא יגרך רע׃

Fanfaronuloj ne staros antaŭ Vi; Vi malamas ĉiujn, kiuj faras malbonon.

לא יתיצבו הוללים לנגד עיניך שנאת כל פעלי און׃

Vi pereigas tiujn, kiuj parolas malveron; Sangavidan kaj malican la Eternulo abomenas.

תאבד דברי כזב איש דמים ומרמה יתעב יהוה׃

Kaj mi, pro Via granda favoro, eniros en Vian domon; Mi kliniĝos en Via sankta templo kun respektego al Vi.

ואני ברב חסדך אבוא ביתך אשתחוה אל היכל קדשך ביראתך׃

Ho Eternulo, gvidu min laŭ Via justeco; Pro miaj insidantoj ebenigu antaŭ mi Vian vojon.

יהוה נחני בצדקתך למען שוררי הושר לפני דרכך׃

Ĉar ne ekzistas vero en ilia buŝo; En ilia interno estas malvirteco; Malfermita tombo estas ilia gorĝo; Per sia lango ili hipokritas.

כי אין בפיהו נכונה קרבם הוות קבר פתוח גרונם לשונם יחליקון׃

Montru ilian kulpon, ho Dio, Ke ili falu per siaj intencoj; Pro iliaj multaj krimoj ĵetu ilin malsupren, Ĉar ili ribelis kontraŭ Vi.

האשימם אלהים יפלו ממעצותיהם ברב פשעיהם הדיחמו כי מרו בך׃

Kaj ekĝojos ĉiuj, kiuj fidas Vin; Ili eterne estos gajaj, kaj Vi ilin favoros; Kaj triumfos pri Vi tiuj, kiuj amas Vian nomon.

וישמחו כל חוסי בך לעולם ירננו ותסך עלימו ויעלצו בך אהבי שמך׃

Ĉar Vi, ho Eternulo, benas piulon; Kiel per ŝildo Vi ĉirkaŭdefendas lin per favoro.

כי אתה תברך צדיק יהוה כצנה רצון תעטרנו׃