Psalms 114

I te putanga mai o Iharaira i Ihipa, o te whare o Hakopa i te iwi reo ke,

Ko Hura tona wahi tapu, ko Iharaira tona rangatiratanga.

I kite te moana, a whati ana: i whakahokia ki muri a Horano.

Pekepeke ana nga maunga ano he hipi toa, nga pukepuke ano he reme.

I ahatia koe, e te moana, i whati ai koe e Horano, i whakahokia ai koe ki muri?

E nga maunga, i pekepeke ai koutou ano he hipi toa; e nga pukepuke, ano he reme?

E wiri, e te whenua, i te aroaro o te Ariki; i te aroaro o te Atua o Hakopa;

I meinga ai te toka hei hopua wai; te kiripaka hei puna wai.