Psalms 138

לדוד אודך בכל לבי נגד אלהים אזמרך׃

Se yon sòm David. Seyè, m'ap di ou mèsi ak tout kè m'. La, devan lòt bondye yo, m'ap chante, m'ap jwe gita pou ou!

אשתחוה אל היכל קדשך ואודה את שמך על חסדך ועל אמתך כי הגדלת על כל שמך אמרתך׃

M'ap mete ajenou devan kay ki apa pou ou a, m'ap fè lwanj ou, paske ou gen bon kè, paske ou toujou kenbe pawòl ou, paske ou fè sa ou te pwomèt la. Se tout moun k'ap nonmen non ou koulye a.

ביום קראתי ותענני תרהבני בנפשי עז׃

Lè m' te rele ou, ou te reponn mwen, ou te ban m' plis kouraj.

יודוך יהוה כל מלכי ארץ כי שמעו אמרי פיך׃

Tout moun ki sou latè va fè lwanj ou, Seyè, lè y'a vin konnen pawòl ki soti nan bouch ou.

וישירו בדרכי יהוה כי גדול כבוד יהוה׃

Y'a chante pou sa Seyè a te fè, y'a di: Ala gwo pouvwa Seyè a genyen!

כי רם יהוה ושפל יראה וגבה ממרחק יידע׃

Wi, Seyè a anwo nan syèl la. Men, li wè moun ki soumèt devan li. Li rete byen lwen, li rekonèt moun k'ap fè grandizè yo.

אם אלך בקרב צרה תחיני על אף איבי תשלח ידך ותושיעני ימינך׃

Menm lè mwen nan gwo tèt chaje, ou pa kite m' mouri. Ou leve men ou pou rete lènmi m' yo ki ankòlè. Ou sove m' avèk fòs ponyèt ou.

יהוה יגמר בעדי יהוה חסדך לעולם מעשי ידיך אל תרף׃

W'a fin fè sa ou te konmanse fè pou mwen an. Seyè, ou p'ap janm sispann renmen nou. Pa vire do ou kite travay ou konmanse fè a!