Psalms 15

Se yon sòm David. Seyè, ki moun ki ka rete lakay ou a? Ki moun ki ka viv sou mòn ki apa pou ou a?

מזמור לדוד יהוה מי יגור באהלך מי ישכן בהר קדשך׃

Se moun ki fè volonte Bondye nan tout bagay, ki toujou fè sa ki byen. Se moun ki pale verite a jan l' ye nan kè li,

הולך תמים ופעל צדק ודבר אמת בלבבו׃

ki pa nan bay moun kout lang. Se moun ki p'ap fè zanmi l' yo anyen ki mal, ki p'ap mache fè tripotaj sou vwazinaj.

לא רגל על לשנו לא עשה לרעהו רעה וחרפה לא נשא על קרבו׃

Li meprize tout moun Bondye vire do bay, men, li respekte tout moun ki gen krentif pou Seyè a. Li toujou kenbe pawòl li, menm si sa koute l' chè.

נבזה בעיניו נמאס ואת יראי יהוה יכבד נשבע להרע ולא ימר׃

Li prete moun san mande enterè. Li p'ap pran lajan anba pou l' bay manti sou moun ki inonsan. Moun ki fè bagay sa yo p'ap janm tonbe!

כספו לא נתן בנשך ושחד על נקי לא לקח עשה אלה לא ימוט לעולם׃