Romans 4

quid ergo dicemus invenisse Abraham patrem nostrum secundum carnem

Inona ary no holazaintsika ho efa azon'i Abrahama, razantsika araka ny nofo?

si enim Abraham ex operibus iustificatus est habet gloriam sed non apud Deum

Fa raha asa no nanamarinana an'i Abrahama, dia misy hireharehany ihany, nefa tsy amin'Andriamanitra.

quid enim scriptura dicit credidit Abraham Deo et reputatum est illi ad iustitiam

Fa ahoana hoy ny Soratra Masina? Ary Abrahama nino an'Andriamanitra, ka dia nisaina ho fahamarinany izany (Gen. 15. 6).

ei autem qui operatur merces non inputatur secundum gratiam sed secundum debitum

Ary ho an'izay miasa, dia tsy isaina ho fahasoavana ny karama, fa ho trosa.

ei vero qui non operatur credenti autem in eum qui iustificat impium reputatur fides eius ad iustitiam

Fa ho an'izay tsy miasa kosa, fa mino Izay manamarina ny ratsy fanahy, dia ny finoany no isaina ho fahamarinana.

sicut et David dicit beatitudinem hominis cui Deus accepto fert iustitiam sine operibus

Dia araka izany koa no ilazan'i Davida fa sambatra ny olona izay isain'Andriamanitra fahamarinana tsy amin'ny asa, hoe:

beati quorum remissae sunt iniquitates et quorum tecta sunt peccata

Sambatra izay voavela ny helony sy voasarona ny fahotany.

beatus vir cui non inputabit Dominus peccatum

Sambatra izay olona tsy hisain'i Jehovah heloka (Sal. 32. 1, 2).

beatitudo ergo haec in circumcisione an etiam in praeputio dicimus enim quia reputata est Abrahae fides ad iustitiam

Koa izany fahasambarana izany moa an'ny voafora ihany va, sa an'ny tsy voafora koa? fa lazaintsika fa ny finoana no nisaina ho fahamarinan'i Abrahama.

quomodo ergo reputata est in circumcisione an in praeputio non in circumcisione sed in praeputio

Ary ahoana no nanisana izany? Tamin'izy efa voafora va, sa fony izy tsy mbola voafora? Tsy tamin'izy efa voafora tsy akory, fa fony izy tsy mbola voafora.

et signum accepit circumcisionis signaculum iustitiae fidei quae est in praeputio ut sit pater omnium credentium per praeputium ut reputetur et illis ad iustitiam

Ary ny famorana, izay famantarana, dia noraisiny ho tombo-kasen'ny fahamarinana amin'ny finoana izay nananany fony izy tsy mbola voafora, mba ho rain'ny olona rehetra izay mino izy, na dia ny tsy voafora aza, mba hisaina ho an'ireny ny fahamarinana,

et sit pater circumcisionis non his tantum qui sunt ex circumcisione sed et his qui sectantur vestigia quae est in praeputio fidei patris nostri Abrahae

ary ho rain'ny voafora, dia tsy izay voafora ihany, fa izay mandeha araka ny dian'ny finoan'i Abrahama razantsika koa, izay nananany fony izy tsy mbola voafora.

non enim per legem promissio Abrahae aut semini eius ut heres esset mundi sed per iustitiam fidei

Fa tsy lalàna, fa fahamarinana amin'ny finoana, no nahazoan'i Abrahama sy ny taranany ny teny fikasana ho mpandova izao tontolo izao izy.

si enim qui ex lege heredes sunt exinanita est fides abolita est promissio

Fa raha izay amin'ny lalàna no mpandova, dia efa foana ny finoana, ary efa tsinontsinona ny teny fikasana;

lex enim iram operatur ubi enim non est lex nec praevaricatio

fa ny lalàna mahatonga fahatezerana; fa raha tsy misy lalàna, dia tsy misy fandikan-dalàna.

ideo ex fide ut secundum gratiam ut firma sit promissio omni semini non ei qui ex lege est solum sed et ei qui ex fide est Abrahae qui est pater omnium nostrum

Koa finoana no andovana, mba ho araka ny fahasoavana, hahatò ny teny fikasana ho an'ny taranaka rehetra,- tsy ho an'izay amin'ny lalàna ihany, fa ho an'izay amin'ny finoan'i Abrahama koa, dia ilay razantsika rehetra -

sicut scriptum est quia patrem multarum gentium posui te ante Deum cui credidit qui vivificat mortuos et vocat quae non sunt tamquam ea quae sunt

araka ny voasoratra hoe: Nataoko ho rain'ny firenena maro ianao (Gen. 17. 5) - teo anatrehan'izay ninoany, dia Andriamanitra Izay mamelona ny maty sy miantso ny tsy misy toy ny misy.

qui contra spem in spem credidit ut fieret pater multarum gentium secundum quod dictum est sic erit semen tuum

Ary na dia efa tsy nisy fanantenana aza, dia nanantena ihany izy ka nino, mba ho rain'ny firenena maro; araka ny voalaza hoe: Ho tahaka izany ny taranakao (Gen. 15. 5).

et non infirmatus fide consideravit corpus suum emortuum cum fere centum annorum esset et emortuam vulvam Sarrae

Ary satria tsy mba nalemy finoana izy, dia nihevitra ny tenany izay efa hoatra ny maty (fa efa tokony ho zato taona izy) sy ny fahafatesan'ny kibon'i Saraha,

in repromissione etiam Dei non haesitavit diffidentia sed confortatus est fide dans gloriam Deo

ary tsy niahanahana ny amin'ny teny fikasan'Andriamanitra tamin'ny tsi-finoana izy, fa nampaherezin'ny finoana ka nanome voninahitra an'Andriamanitra

plenissime sciens quia quaecumque promisit potens est et facere

ary natoky indrindra fa izay nolazainy dia hainy hatao koa.

ideo et reputatum est illi ad iustitiam

Dia nisaina ho fahamarinany izany.

non est autem scriptum tantum propter ipsum quia reputatum est illi

Nefa tsy ho azy ihany no nanoratana fa nisaina ho azy izany,

sed et propter nos quibus reputabitur credentibus in eum qui suscitavit Iesum Dominum nostrum a mortuis

fa ho antsika izay hanisana izany koa, dia isika izay mino Ilay nanangana an'i Jesosy Tompontsika tamin'ny maty,

qui traditus est propter delicta nostra et resurrexit propter iustificationem nostram

Izay natolotra noho ny fahadisoantsika ka natsangana indray ho fanamarinana antsika.