Psalms 81

laudate Deum fortitudinem nostram iubilate Deo Iacob

Ho an'ny mpiventy hira. Al-gitith. Nataon'i Asafa. Mihobia ho an'Andriamanitra herintsika; manaova feo fifaliana ho an'Andriamanitr'i Jakoba.

adsumite carmen et date tympanum citharam decoram cum psalterio

Asandrato ny hira, ka velezo ny ampongatapaka, ary tendreo ny lokanga mahafinaritra mbamin'ny valiha.

clangite in neomenia bucina et in medio mense die sollemnitatis nostrae

Tsofy ny anjomara amin'ny volana; eny, amin'ny feno-volana, dia amin'ny andro firavoravoantsika.

quia legitimum Israhel est et iudicium Dei Iacob

Fa lalàna ho an'ny Isiraely izany, ary fitsipik'Andriamanitr'i Jakoba.

testimonium in Ioseph posuit cum egrederetur terra Aegypti labium quod nesciebam audivi

Notendreny ho vavolombelona eo amin'i Josefa izany, raha nandeha namely ny tany Egypta Izy; nandre teny tsy fantatro aho.

amovi ab onere umerum eius manus eius a cofino recesserunt

Nampiala ny sorony tamin'ny entana Aho; nitsahatra tsy nitondra sobiky ny tànany.

in tribulatione invocasti et erui te exaudivi te in abscondito tonitrui probavi te super aquam Contradictionis semper

Fony azom-pahoriana ianao, dia niantso Ahy, ka namonjy anao Aho; namaly anao tao amin'ny fiafenan'ny kotrokorana Aho, ary nizaha toetra anao tao amin'ny ranon'i Meriba.

audi populus meus et contestor te Israhel si audieris me

Mihainoa, ry oloko, dia hambarako aminao; enga anie hihaino Ahy ianao, ry Isiraely.

non sit in te deus alienus et non adores deum peregrinum

Aza asiana andriamani-kafa eo aminao; ary aza mivavaka amin'ny andriamanitry ny firenena hafa.

ego sum Dominus Deus tuus qui eduxi te de terra Aegypti dilata os tuum et implebo illud

Izaho no Jehovah Andriamanitrao, Izay nitondra anao niakatra avy tany amin'ny tany Egypta; atanatanao ny vavanao, dia hofenoiko.

et non audivit populus meus vocem meam et Israhel non credidit mihi

Fa tsy nihaino ny feoko ny oloko; ary ny Isiraely tsy nankato Ahy;

et dimisi eum in pravitate cordis sui ambulabunt in consiliis suis

Ka dia navelako hanaraka ny ditry ny fony Izy, handehanany manaraka ny fisainan'ny tenany.

utinam populus meus audisset me Israhel in viis meis ambulasset

Enga anie ka hihaino Ahy ny oloko, dia handeha amin'ny lalako ny Isiraely;

quasi nihilum inimicos eius humiliassem et super hostes eorum vertissem manum meam

Vetivety dia hampietry ny fahavalony Aho, ka hamerina ny tanako hamely ny rafiny;

qui oderunt Dominum negabunt eum et erit tempus eorum in saeculo

Izay mankahala an'i Jehovah dia hikoy aminy, ka dia haharitra mandrakizay ny andron'ny oloko;

et cibavit eos de adipe frumenti et de petra mellis saturavit eos

Ary hampihinana azy vary tsara indrindra Izy; eny, tantely avy amin'ny vatolampy no hamokisako anao.