I Corinthians 11

imitatores mei estote sicut et ego Christi

Aoka hanahaka ahy ianareo, dia tahaka ny anahafako an'i Kristy.

laudo autem vos fratres quod omnia mei memores estis et sicut tradidi vobis praecepta mea tenetis

Ary midera anareo aho, satria mahatsiaro ahy amin'ny zavatra rehetra ianareo sady mitana tsara ny fampianarana natolotra, araka ny nanolorako azy taminareo.

volo autem vos scire quod omnis viri caput Christus est caput autem mulieris vir caput vero Christi Deus

Ary tiako ho fantatrareo fa Kristy no lohan'ny lehilahy rehetra; ary ny lehilahy kosa no lohan'ny vehivavy; ary Andriamanitra no lohan'i Kristy.

omnis vir orans aut prophetans velato capite deturpat caput suum

Ny lehilahy rehetra, raha mivavaka na maminany ka misaron-doha, dia mahafa-boninahitra ny lohany.

omnis autem mulier orans aut prophetans non velato capite deturpat caput suum unum est enim atque si decalvetur

Fa ny vehivavy rehetra kosa, raha mivavaka na maminany ka tsy misaron-doha, dia mahafa-boninahitra ny lohany, satria toy ny voaharatra izy.

nam si non velatur mulier et tondeatur si vero turpe est mulieri tonderi aut decalvari velet caput suum

Fa raha tsy misaron-doha ny vehivavy, dia aoka hohetezana izy; fa raha mahamenatra ny vehivavy ny hohetezana na ny hoharatana, dia aoka hisaron-doha izy.

vir quidem non debet velare caput quoniam imago et gloria est Dei mulier autem gloria viri est

Ny lehilahy dia tokony tsy hisaron-doha, satria endrika sy voninahitr'Andriamanitra izy; fa ny vehivavy kosa no voninahitry ny lehilahy.

non enim vir ex muliere est sed mulier ex viro

Fa tsy ny vehivavy no nihavian'ny lehilahy; fa ny lehilahy no nihavian'ny vehivavy.

etenim non est creatus vir propter mulierem sed mulier propter virum

Fa tsy ny lehilahy no natao ho an'ny vehivavy, fa ny vehivavy no ho an'ny lehilahy.

ideo debet mulier potestatem habere supra caput propter angelos

Izany no mahamety ny vehivavy hisaron-doha noho ny amin'ny anjely.

verumtamen neque vir sine muliere neque mulier sine viro in Domino

Kanefa ao amin'ny Tompo tsy misy vehivavy raha tsy misy lehilahy, ary tsy misy lehilahy raha tsy misy vehivavy.

nam sicut mulier de viro ita et vir per mulierem omnia autem ex Deo

Fa toy ny nihavian'ny vehivavy avy tamin'ny lehilahy, dia toy izany koa no nihavian'ny lehilahy avy tamin'ny vehivavy; fa Andriamanitra kosa no ihavian'ny zavatra rehetra.

vos ipsi iudicate decet mulierem non velatam orare Deum

Hevero ao am-ponareo: Mendrika va raha mivavaka amin'Andriamanitra ka tsy misaron-doha ny vehivavy?

nec ipsa natura docet vos quod vir quidem si comam nutriat ignominia est illi

Tsy mampianatra anareo va izao fomban'ny zavatra rehetra izao fa raha lava volo ny lehilahy, dia mahafa-boninahitra azy izany?

mulier vero si comam nutriat gloria est illi quoniam capilli pro velamine ei dati sunt

Fa raha lava volo kosa ny vehivavy, dia voninahitra ho azy izany fa ny volo no nomena azy ho fisaronana.

si quis autem videtur contentiosus esse nos talem consuetudinem non habemus neque ecclesiae Dei

Fa raha misy olona toa tia ady, dia tsy manana izany fanao izany isika, na ny fiangonan'Andriamanitra.

hoc autem praecipio non laudans quod non in melius sed in deterius convenitis

Ary raha manao izao didy izao aho, dia tsy midera anareo tsy akory, satria tsy miangona hihatsara ianareo, fa hiharatsy.

primum quidem convenientibus vobis in ecclesia audio scissuras esse et ex parte credo

Fa voalohany indrindra, raha miangona ao am-piangonana ianareo, dia reko fa misy fisarahana eo aminareo; ary mba misy inoako ihany izany.

nam oportet et hereses esse ut et qui probati sunt manifesti fiant in vobis

Fa tsy maintsy misy fitokoana eo aminareo, mba haseho eo aminareo izay olona ankasitrahana.

convenientibus ergo vobis in unum iam non est dominicam cenam manducare

Koa raha miangona ianareo, dia tsy misy hihinanana ny Fanasan'ny Tompo akory.

unusquisque enim suam cenam praesumit ad manducandum et alius quidem esurit alius autem ebrius est

Fa raha mihinana ianareo, dia samy homana ny sakafony avy aloha ianareo; koa ny anankiray dia noana, fa ny anankiray kosa mamo.

numquid domos non habetis ad manducandum et bibendum aut ecclesiam Dei contemnitis et confunditis eos qui non habent quid dicam vobis laudo vos in hoc non laudo

Moa tsy manan-trano hihinanana sy hisotroana va ianareo? Sa manao tsinontsinona ny fiangonan'Andriamanitra ka manome henatra ny tsy manana? Inona no holazaiko aminareo? Hidera anareo va aho? Tsy hidera anareo amin'izany aho.

ego enim accepi a Domino quod et tradidi vobis quoniam Dominus Iesus in qua nocte tradebatur accepit panem

Fa izaho efa nandray tamin'ny Tompo izay natolotro anareo kosa, fa Jesosy Tompo tamin'iny alina iny izay namadihana Azy, dia nandray mofo,

et gratias agens fregit et dixit hoc est corpus meum pro vobis hoc facite in meam commemorationem

ary rehefa nisaotra Izy, dia novakiny, ka hoy Izy: Ity no tenako ho anareo; izao no ataovy ho fahatsiarovana Ahy.

similiter et calicem postquam cenavit dicens hic calix novum testamentum est in meo sanguine hoc facite quotienscumque bibetis in meam commemorationem

Dia araka izany koa ny kapoaka, rehefa nihinana, dia hoy Izy: Ity kapoaka ity no ilay fanekena vaovao amin'ny rako; izao no ataovy ho fahatsiarovana Ahy, na oviana na oviana no misotro ianareo.

quotienscumque enim manducabitis panem hunc et calicem bibetis mortem Domini adnuntiatis donec veniat

Fa na oviana na oviana ianareo no mihinana itony mofo itony sy misotro amin'ny kapoaka, dia manambara ny fahafatesan'ny Tompo ianareo mandra-pihaviny.

itaque quicumque manducaverit panem vel biberit calicem Domini indigne reus erit corporis et sanguinis Domini

Koa na zovy an zovy no mihinana ny mofo sy misotro amin'ny kapoaky ny Tompo amin'ny fanahy tsy mendrika, dia ho meloka ny amin'ny tena sy ny ran'ny Tompo izy.

probet autem se ipsum homo et sic de pane illo edat et de calice bibat

Fa aoka ny olona hamantatra ny tenany, dia aoka izy hihinana ny mofo sy hisotro amin'ny kapoaka.

qui enim manducat et bibit indigne iudicium sibi manducat et bibit non diiudicans corpus

Fa izay rehetra mihinana sy misotro dia mihinana sy misotro fanamelohana ho an'ny tenany, raha tsy mamantatra ny tena izy.

ideo inter vos multi infirmes et inbecilles et dormiunt multi

Noho izany dia betsaka no marary sy marofy eo aminareo, ary maro ihany no efa nodi-mandry.

quod si nosmet ipsos diiudicaremus non utique iudicaremur

Fa raha mba mamantatra ny tenantsika isika, dia tsy mba hotsaraina.

dum iudicamur autem a Domino corripimur ut non cum hoc mundo damnemur

Fa raha tsaraina isika, dia faizan'ny Tompo mba tsy hohelohina miaraka amin'izao tontolo izao.

itaque fratres mei cum convenitis ad manducandum invicem expectate

Koa raha miangona hihinana ianareo, ry rahalahy, dia mifampiandrasa.

si quis esurit domi manducet ut non in iudicium conveniatis cetera autem cum venero disponam

Ary raha misy olona noana, aoka izy hihinana no an-tranony, mba tsy hiangonanareo ho fahamelohana. Ary ny zavatra sisa dia halahatro, rehefa tonga aho.