Job 32

Heoi mutu ake te whakahoki kupu a enei tangata tokotoru ki a Hopa, no te mea he tika ia ki tona nei whakaaro.

So these three men ceased to answer Job, because he was righteous in his own eyes.

Na kua mura te riri o Erihu tama a Parakere Puti, no te whanau i a Rame: mura ana tona riri ki a Hopa, no te mea ki tana tika rawa ia i te Atua.

Then was kindled the wrath of Elihu the son of Barachel the Buzite, of the kindred of Ram: against Job was his wrath kindled, because he justified himself rather than God.

I mura ano tona riri ki ona hoa tokotoru, no te mea kihai i kitea e ratou he kupu hei whakahokinga atu, heoi kei te whakahe ano ratou i a Hopa.

Also against his three friends was his wrath kindled, because they had found no answer, and yet had condemned Job.

Na i tatari a Erihu kia korero ia ki a Hopa, no te mea he kaumatua ake ratou i a ia.

Now Elihu had waited till Job had spoken, because they were elder than he.

A, no te kitenga o Erihu kahore he kupu i nga mangai o aua tangata tokotoru hei whakahokinga atu, mura ana tona riri.

When Elihu saw that there was no answer in the mouth of these three men, then his wrath was kindled.

Na ka oho a Erihu tama a Parakere Puti, ka mea, He taitamariki ahau, ko koutou ia he koroheke rawa; koia ahau i hopohopo ai, i wehi ai ki te whakaatu i toku whakaaro ki a koutou.

And Elihu the son of Barachel the Buzite answered and said, I am young, and ye are very old; wherefore I was afraid, and durst not shew you mine opinion.

I mea ahau, Ma nga ra te korero, ma nga tau kua maha e whakaatu te whakaaro nui.

I said, Days should speak, and multitude of years should teach wisdom.

Otiia he wairua ano to te tangata, na te manawa ano o te Kaha Rawa ratou i whai mahara ai.

But there is a spirit in man: and the inspiration of the Almighty giveth them understanding.

Ko nga tangata nunui, kahore o ratou whakaaro nui, ko nga kaumatua, kahore e matau ki te whakawa.

Great men are not always wise: neither do the aged understand judgment.

Koia ahau i mea ai, Whakarongo ki ahau; ka whakakite hoki ahau i toku whakaaro.

Therefore I said, Hearken to me; I also will shew mine opinion.

Nana, i tatari ahau ki a koutou kupu; i whai taringa atu ki o koutou whakaaro mohio i a koutou e rapu kupu ana.

Behold, I waited for your words; I gave ear to your reasons, whilst ye searched out what to say.

Nana, mahara tonu atu ahau ki a koutou, a kihai tetahi o koutou i whakaatu i te he o Hopa, i whakahoki kupu ranei ki ana korero.

Yea, I attended unto you, and, behold, there was none of you that convinced Job, or that answered his words:

Kei mea koutou, Kua kitea e matou te mohio, na te Atua ia i turaki, ehara i te tangata.

Lest ye should say, We have found out wisdom: God thrusteth him down, not man.

Na kihai ana kupu i anga mai ki ahau; e kore ano tana e utua e ahau ki a koutou kupu.

Now he hath not directed his words against me: neither will I answer him with your speeches.

Porahurahu kau ana ratou, kore ake a ratou kupu whakahoki: mutu ake a ratou korero.

They were amazed, they answered no more: they left off speaking.

Kia tatari ahau, no te mea kahore ratou e korero, no te mea e tu kau ana ratou, kahore e whakahoki atu?

When I had waited, (for they spake not, but stood still, and answered no more;)

Me korero atu hoki e ahau aku kupu, maku ano e whakaatu toku whakaaro.

I said, I will answer also my part, I also will shew mine opinion.

Ki tonu hoki ahau i te korero; e akiakina ana ahau e te wairua i roto i ahau.

For I am full of matter, the spirit within me constraineth me.

Nana, ko toku kopu rite tonu ki te waina kahore nei ona putanga; ki te ipu hou e tata ana ia te pakaru.

Behold, my belly is as wine which hath no vent; it is ready to burst like new bottles.

Me korero ahau, kia ta ai toku manawa; ka puaki toku mangai, ka whakahoki kupu ahau.

I will speak, that I may be refreshed: I will open my lips and answer.

Na kaua ahau e whakapai ki te kanohi tangata; e kore hoki ahau e hoatu ingoa whakapaipai ki te tangata.

Let me not, I pray you, accept any man's person, neither let me give flattering titles unto man.

Kahore hoki ahau e mohio ki te whakapati; penei kua riro wawe ahau i toku Kaihanga.

For I know not to give flattering titles; in so doing my maker would soon take me away.