II Thessalonians 3

Heoi, E oku teina, inoi mo matou, kia rere te kupu a te Ariki, kia whai kororia, kia pena me tena i a koutou:

Finally, brethren, pray for us, that the word of the Lord may have free course, and be glorified, even as it is with you:

Kia whakaorangia hoki matou i nga tangata poauau, i nga tangata kino: kahore hoki nga tangata katoa e whakapono.

And that we may be delivered from unreasonable and wicked men: for all men have not faith.

Otiia e pono ana te Atua, mana koutou e whakau, e tiaki i te tangata kino.

But the Lord is faithful, who shall stablish you, and keep you from evil.

Na e u ana to matou whakaaro i roto i te Ariki ki a koutou, kei te mahi koutou, a ka mahi ano i a matou e whakaako nei ki a koutou.

And we have confidence in the Lord touching you, that ye both do and will do the things which we command you.

Ma te Ariki hoki e whakatika o koutou ngakau ki te aroha o te Atua, ki te ngakau ata tatari o te Karaiti.

And the Lord direct your hearts into the love of God, and into the patient waiting for Christ.

Na, ko ta matou whakahau atu tenei ki a koutou, e oku teina, i runga i te ingoa o to tatou Ariki, o Ihu Karaiti, mawehe ke i nga teina katoa e he ana te whakahaere, kahore nei e rite ki a matou whakarerenga iho i roto i a ratou.

Now we command you, brethren, in the name of our Lord Jesus Christ, that ye withdraw yourselves from every brother that walketh disorderly, and not after the tradition which he received of us.

E matau na hoki koutou ki nga mea e tika ai ta koutou whakarite ki a matou: kihai hoki i he ta matou whakahaere i roto i a koutou;

For yourselves know how ye ought to follow us: for we behaved not ourselves disorderly among you;

Kihai hoki matou i kai noa i te taro i te ringa o tetahi tangata, engari i roto i te mahi nui, i te uaua, me te mahi tonu i te ao, i te po, kei whakataimahatia e matou tetahi o koutou.

Neither did we eat any man's bread for nought; but wrought with labour and travail night and day, that we might not be chargeable to any of you:

Ehara ra i te mea kahore o matou take, engari kia meinga ai matou hei tauria mo koutou, kia rite ai ta koutou ki ta matou.

Not because we have not power, but to make ourselves an ensample unto you to follow us.

Ana hoki i a matou e noho ana i a koutou, ko ta matou whakahau tenei ki a koutou, ki te kore tetahi e pai ki te mahi, kaua ia e tukua kia kai.

For even when we were with you, this we commanded you, that if any would not work, neither should he eat.

Kei te rongo hoki matou tera etahi e he ana te whakahaere i roto i a koutou, kahore rawa e mahi, engari e pokanoa ana ki a etahi.

For we hear that there are some which walk among you disorderly, working not at all, but are busybodies.

Na, ko ta matou ako, ko ta matou whakahau tenei ki aua tangata pera, i roto i to tatou Ariki, i a Ihu Karaiti, me mahi marie ratou, ka kai i a ratou na ake kai.

Now them that are such we command and exhort by our Lord Jesus Christ, that with quietness they work, and eat their own bread.

Ko koutou ia, e oku teina, kei ngakaukore ki te mahi pai.

But ye, brethren, be not weary in well doing.

Na ki te kore tetahi e ngohengohe ki ta matou kupu i tenei pukapuka, kia marama te tohu i a ia, kei piri koutou ki a ia, kia whakama ai ia.

And if any man obey not our word by this epistle, note that man, and have no company with him, that he may be ashamed.

Otiia kaua e mea he hoariri ia, engari whakatupatoria, ano he teina.

Yet count him not as an enemy, but admonish him as a brother.

Na, ma te Ariki pu o te rangimarie e hoatu te rangimarie ki a koutou i nga wa katoa, i nga mea katoa. Kia noho te Ariki ki a koutou katoa.

Now the Lord of peace himself give you peace always by all means. The Lord be with you all.

Ko te oha aku, a Paora, na toku ringaringa ake, ko te tohu ia i nga pukapuka katoa; he pena taku tuhituhi.

The salutation of Paul with mine own hand, which is the token in every epistle: so I write.

Kia tau te aroha noa o to tatou Ariki, o Ihu Karaiti ki a koutou katoa. Amine.

The grace of our Lord Jesus Christ be with you all. Amen. The second epistle to the Thessalonians was written from Athens.