Psalms 73

He himene na Ahapa. He pono, he pai te Atua ki a Iharaira; ki te hunga ngakau ma.

מזמור לאסף אך טוב לישראל אלהים לברי לבב׃

Ko ahau ia, wahi iti kua tapepa oku waewae: me i kotahi kua paheke oku takahanga.

ואני כמעט נטוי רגלי כאין שפכה אשרי׃

I hae hoki ahau ki te hunga whakahi, i toku kitenga i te tangata hara e kake ana.

כי קנאתי בהוללים שלום רשעים אראה׃

Kahore hoki he whakawiringa a te mate i a ratou: he maro ano o ratou uaua.

כי אין חרצבות למותם ובריא אולם׃

Kahore nga mea whakapouri tangata e pa ki a ratou; kahore ano ratou e whiua tahitia me te mano tangata.

בעמל אנוש אינמו ועם אדם לא ינגעו׃

Na reira, ano he hei te whakakake e awhi nei i a ratou, ano he kakahu te tutu e hipokina nei ratou.

לכן ענקתמו גאוה יעטף שית חמס למו׃

Pupuhi ana o ratou kanohi i te ngako: nui ake nga mea i a ratou i a o ratou ngakau i hiahia ai.

יצא מחלב עינמו עברו משכיות לבב׃

E whakahi ana ratou, e korero kino ana mo te whakatoi: kei runga noa ake a ratou korero.

ימיקו וידברו ברע עשק ממרום ידברו׃

Tutuki tonu to ratou mangai ki nga rangi: e kopikopiko ana hoki to ratou arero i runga i te whenua.

שתו בשמים פיהם ולשונם תהלך בארץ׃

Koia tona iwi i hoki mai ai ki konei: a e whakawiria ana he wai mo ratou, ki tonu te kapu.

לכן ישיב עמו הלם ומי מלא ימצו למו׃

E mea ana ratou, Ma te aha e matau ai te Atua? He matauranga koia to te Runga Rawa?

ואמרו איכה ידע אל ויש דעה בעליון׃

Nana, ko te hunga kino tenei, kei runga tonu i te whenua rangatira, e hua ana o ratou taonga.

הנה אלה רשעים ושלוי עולם השגו חיל׃

He pono he maumau taku mea i toku ngakau kia ma, taku horoi hoki i oku ringa ki te harakore.

אך ריק זכיתי לבבי וארחץ בנקיון כפי׃

E whiua ana hoki ahau i te roa o te ra, e pakia ana i nga ata katoa.

ואהי נגוע כל היום ותוכחתי לבקרים׃

Me i ki ahau, Ka penei taku korero; na e tinihanga ana ahau ki te whakatupuranga o au tamariki.

אם אמרתי אספרה כמו הנה דור בניך בגדתי׃

I taku meatanga kia matauria tenei, ka kite ahau he mahi whakauaua rawa;

ואחשבה לדעת זאת עמל היא בעיני׃

Tae noa ahau ki te wahi tapu o te Atua, katahi ahau ka mohio ki to ratou mutunga.

עד אבוא אל מקדשי אל אבינה לאחריתם׃

He pono i whakaturia ratou e koe ki nga wahi pahekeheke; a whakataka ana e koe ki te ngaromanga.

אך בחלקות תשית למו הפלתם למשואות׃

Ano te panga whakareretanga o to ratou hunanga! kua pau rawa i nga wehi.

איך היו לשמה כרגע ספו תמו מן בלהות׃

Ka rite ki te rekanga kanohi, ina ara ake te tangata, tau whakahawea ki to ratou ahua, e te Ariki, ina ara ake koe.

כחלום מהקיץ אדני בעיר צלמם תבזה׃

Na mamae noa iho toku ngakau, a hukihuki ana oku whatumanawa.

כי יתחמץ לבבי וכליותי אשתונן׃

He whakaarokore hoki ahau, he kuware: me te mea he kirehe ahau i tou aroaro.

ואני בער ולא אדע בהמות הייתי עמך׃

Ahakoa ra kei a koe tonu ahau; e puritia ana e koe toku ringa matau.

ואני תמיד עמך אחזת ביד ימיני׃

Ma tou whakaaro ahau e arahi; muri iho ka riro ahau i a koe ki te kororia.

בעצתך תנחני ואחר כבוד תקחני׃

Ko wai hoki toku i te rangi ko koe anake? Kahore atu hoki oku i te whenua e hiahia ai, ko koe anake.

מי לי בשמים ועמך לא חפצתי בארץ׃

Hemo iho oku kikokiko me toku ngakau: ko te Atua ia te kaha o toku ngakau, toku wahi ake ake.

כלה שארי ולבבי צור לבבי וחלקי אלהים לעולם׃

Na, ko te hunga e mamao atu ana i a koe ka mate: ka ngaro i a koe te hunga puremu katoa e whakarere nei i a koe.

כי הנה רחקיך יאבדו הצמתה כל זונה ממך׃

Ko ahau ia, he pai ki ahau te whakatata ki te Atua: kua waiho e ahau te Ariki, a Ihowa, hei whakawhirinakitanga moku, kia whakapuakina ai e ahau au mahi katoa.

ואני קרבת אלהים לי טוב שתי באדני יהוה מחסי לספר כל מלאכותיך׃