Psalms 103

Na Rawiri. Whakapaingia a Ihowa, e toku wairua; e nga mea katoa i roto i ahau, whakapaingia tona ingoa tapu.

לדוד ברכי נפשי את יהוה וכל קרבי את שם קדשו׃

Whakapaingia a Ihowa, e toku wairua, kei wareware hoki ki ana painga katoa.

ברכי נפשי את יהוה ואל תשכחי כל גמוליו׃

Ko ia te muru nei i ou kino katoa; te rongo a nei i ou mate katoa.

הסלח לכל עונכי הרפא לכל תחלאיכי׃

Ko ia te hoko nei i tou ora kei ngaro; te karauna nei i a koe ki te atawhai, ki te aroha.

הגואל משחת חייכי המעטרכי חסד ורחמים׃

Nana nei i makona ai tou mangai i nga mea papai; i hou ai tou taitamarikitanga, i rite ai ki to te ekara.

המשביע בטוב עדיך תתחדש כנשר נעוריכי׃

Ka puta i a Ihowa nga mahi tika, me te whakawa tika ki te hunga katoa e tukinotia ana.

עשה צדקות יהוה ומשפטים לכל עשוקים׃

I whakaakona e ia ana ara ki a Mohi, ana mahi ki nga tama a Iharaira.

יודיע דרכיו למשה לבני ישראל עלילותיו׃

Ki tonu a Ihowa i te aroha me te atawhai, he puhoi ki te riri, he nui hoki tana mahi tohu.

רחום וחנון יהוה ארך אפים ורב חסד׃

E kore ia e whakatupuehupehu tonu, e kore ano e mauahara ake ake.

לא לנצח יריב ולא לעולם יטור׃

Kihai i rite ki o tatou hara ana meatanga ki a tatou: kihai ano i rite ki o tatou kino ana utu mai ki a tatou.

לא כחטאינו עשה לנו ולא כעונתינו גמל עלינו׃

He rite hoki ki te rangi e tiketike ake ana i te whenua, pera tonu te nui o tana mahi tohu ki te hunga e wehi ana ki a ia.

כי כגבה שמים על הארץ גבר חסדו על יראיו׃

Pera i te matara o te rawhiti i te uru, pera tonu tana whakamataratanga atu i a tatou mahi tutu i a tatou.

כרחק מזרח ממערב הרחיק ממנו את פשעינו׃

E aroha ana te matua ki ana tamariki, pera tonu to Ihowa aroha ki te hunga e wehi ana ki a ia.

כרחם אב על בנים רחם יהוה על יראיו׃

E matau ana hoki ia ki to tatou ahua, e mahara ana he puehu tatou.

כי הוא ידע יצרנו זכור כי עפר אנחנו׃

Ko te tangata ia, rite tonu ona ra ki o te tarutaru: kei te puawai o te mara, ko tona ngawhatanga.

אנוש כחציר ימיו כציץ השדה כן יציץ׃

E rarungatia ana hoki e te hau, a kua kahore; kahore hoki e mohiotia a muri e tona wahi.

כי רוח עברה בו ואיננו ולא יכירנו עוד מקומו׃

Tena ko te mahi tohu a Ihowa no tua whakarere, a ake tonu ake, ki te hunga e wehi ana ki a ia: tona tika hoki ki nga uri o nga tamariki;

וחסד יהוה מעולם ועד עולם על יראיו וצדקתו לבני בנים׃

Ki te hunga e pupuri ana i tana kawenata, ki te hunga hoki e mahara ana ki ana ako kia mahia.

לשמרי בריתו ולזכרי פקדיו לעשותם׃

Kua oti i a Ihowa tona torona te whakatu ki nga rangi; a e kawanatia ana nga mea katoa e tona kingitanga.

יהוה בשמים הכין כסאו ומלכותו בכל משלה׃

Whakapaingia a Ihowa, e ana anahera, e hira nei te kaha, e whakarite nei i tana kupu, e whakarongo nei ki tona reo ina korero.

ברכו יהוה מלאכיו גברי כח עשי דברו לשמע בקול דברו׃

Whakapaingia a Ihowa, e ana mano katoa, e ana minita e mahi nei i tana e pai ai.

ברכו יהוה כל צבאיו משרתיו עשי רצונו׃

Whakapaingia a Ihowa, e ana mahi katoa i nga wahi katoa o tona kingitanga: whakapaingia a Ihowa, e toku wairua.

ברכו יהוה כל מעשיו בכל מקמות ממשלתו ברכי נפשי את יהוה׃