Proverbs 16

Ny fikasan'ny fo no amin'ny olona; Fa ny famalian'ny lela dia avy amin'i Jehovah.

The preparations of the heart in man, and the answer of the tongue, is from the LORD.

Ataon'ny olona ho madio avokoa ny lalana rehetra alehany; Fa Jehovah ihany no mpandanja ny fanahy.

All the ways of a man are clean in his own eyes; but the LORD weigheth the spirits.

Ankino amin'i Jehovah ny asanao, Dia ho lavorary izay kasainao.

Commit thy works unto the LORD, and thy thoughts shall be established.

Ny zavatra rehetra nataon'i Jehovah dia samy misy antony avokoa; Eny, ny ratsy fanahy koa aza dia nataony ho amin'ny andro hahitan-doza.

The LORD hath made all things for himself: yea, even the wicked for the day of evil.

Fahavetavetana eo imason'i Jehovah izay rehetra miavonavona am-po, Azo itompoana tokoa fa tsy maintsy hampijalina izy.

Every one that is proud in heart is an abomination to the LORD: though hand join in hand, he shall not be unpunished.

Ny famindram-po sy ny fahamarinana no avotra amin'ny heloka; Ary ny fahatahorana an'i Jehovah no analavirana ny ratsy.

By mercy and truth iniquity is purged: and by the fear of the LORD men depart from evil.

Raha sitrak'i Jehovah ny alehan'ny olona, Na dia ny fahavalony aza dia hampihavaniny aminy.

When a man's ways please the LORD, he maketh even his enemies to be at peace with him.

Aleo ny kely omban'ny fahamarinana Toy izay ny harem-bevava azo amin'ny tsy rariny.

Better is a little with righteousness than great revenues without right.

Ny fon'ny olona mihevitra tsara ny halehany; Fa Jehovah ihany no mahalavorary ny diany.

A man's heart deviseth his way: but the LORD directeth his steps.

Ny teny marina dia eo amin'ny molotry ny mpanjaka, Ary tsy diso teny izy, raha mitsara.

A divine sentence is in the lips of the king: his mouth transgresseth not in judgment.

An'i Jehovah ny fandanjana sy ny mizana marina, Avy aminy avokoa ireo vato rehetra an-kitapo.

A just weight and balance are the LORD'S: all the weights of the bag are his work.

Fahavetavetana eo imason'ny mpanjaka ny fanaovan-dratsy; Fa fahamarinana no iorenan'ny seza fiandrianana.

It is an abomination to kings to commit wickedness: for the throne is established by righteousness.

Sitraky ny mpanjaka ny molotra marina, Ary izay miteny mahitsy no tiany.

Righteous lips are the delight of kings; and they love him that speaketh right.

Ny fahatezeran'ny mpanjaka dia iraky ny fahafatesana. Fa ny olon-kendry mampionona izany.

The wrath of a king is as messengers of death: but a wise man will pacify it.

Amin'ny fahamiramiranan'ny tarehin'ny mpanjaka dia misy fiainana, Ary ny fankasitrahany dia toy ny rahona amin'ny fararano.

In the light of the king's countenance is life; and his favour is as a cloud of the latter rain.

Tsara ny mahazo fahendrena noho ny volamena, Ary tsara ny mahazo fahalalana noho ny volafotsy.

How much better is it to get wisdom than gold! and to get understanding rather to be chosen than silver!

Ny manalavitra ny ratsy no lalamben'ny marina, Ary izay mitandrina ny alehany no miaro ny ainy.

The highway of the upright is to depart from evil: he that keepeth his way preserveth his soul.

Ny fiavonavonana mialoha ny fahasimbana, Ary ny fanahy mirehareha mialoha ny fahalavoana.

Pride goeth before destruction, and an haughty spirit before a fall.

Tsara ny malemy fanahy ao amin'izay manetry tena Noho ny mizara babo amin'izay miavonavona.

Better it is to be of an humble spirit with the lowly, than to divide the spoil with the proud.

Izay mandinika ny teny no hahita soa; Ary izay matoky an'i Jehovah no ho sambatra.

He that handleth a matter wisely shall find good: and whoso trusteth in the LORD, happy is he.

Izay hendry am-po dia lazaina hoe manan-tsaina, Ary ny hamamian'ny molotra mampandroso fahendrena.

The wise in heart shall be called prudent: and the sweetness of the lips increaseth learning.

Loharanon'aina ny fahazavan-tsaina amin'izay manana izany; Fa ny famaizana ataon'ny adala dia fahadalana ihany.

Understanding is a wellspring of life unto him that hath it: but the instruction of fools is folly.

Ny fon'ny hendry mahahendry ny vavany Sady manampy fahendrena eo amin'ny molony.

The heart of the wise teacheth his mouth, and addeth learning to his lips.

Toho-tantely ny teny mahafinaritra, Ka sady mamin'ny fanahy no mahatsara ny taolana.

Pleasant words are as an honeycomb, sweet to the soul, and health to the bones.

Misy lalana ataon'ny olona ho mahitsy, Kanjo lalana mivarina any amin'ny fahafatesana no iafarany.

There is a way that seemeth right unto a man, but the end thereof are the ways of death.

Ny fahanoanan'ny mpiasa dia mampiasa azy, Fa ny tendany no manesika azy.

He that laboureth laboureth for himself; for his mouth craveth it of him.

Ny ratsy fanahy mihady lavaka fanimbana, Sady misy toy ny afo mahamay eo amin'ny molony.

An ungodly man diggeth up evil: and in his lips there is as a burning fire.

Ny mpivadibadika mamafy ady; Ary ny mpibitsibitsika mampisaraka ny tena mpisakaiza.

A froward man soweth strife: and a whisperer separateth chief friends.

Ny lozabe mitaona ny namany Ka mitarika azy amin'ny lalana tsy tsara.

A violent man enticeth his neighbour, and leadeth him into the way that is not good.

Izay manakimpy ny masony hieritreritra ny ratsy Sady manaikitraiki-molotra dia efa mikasa hanao ratsy.

He shutteth his eyes to devise froward things: moving his lips he bringeth evil to pass.

Satroboninahitra tsara tarehy ny volofotsy, Ao amin'ny lalan'ny fahamarinana no ahazoana azy.

The hoary head is a crown of glory, if it be found in the way of righteousness.

Tsara ny mahatsindry fo noho ny mahery, Ary izay mahazaka ny fanahiny noho izay mahafa-bohitra.

He that is slow to anger is better than the mighty; and he that ruleth his spirit than he that taketh a city.

Ny filokana dia atsipy ao am-pofoany; Fa avy amin'i Jehovah ihany no isehoan'ny fitsarany.

The lot is cast into the lap; but the whole disposing thereof is of the LORD.