Psalms 90

Lord, thou hast been our dwelling place in all generations.

He inoi na Mohi, na te tangata a te Atua. E te Ariki, ko koe to matou nohoanga i nga whakatupuranga katoa.

Before the mountains were brought forth, or ever thou hadst formed the earth and the world, even from everlasting to everlasting, thou art God.

Kahore ano i whanau noa nga maunga, kahore i hanga e koe te whenua me te ao, ko koe te Atua no tua whakarere a ake tonu atu.

Thou turnest man to destruction; and sayest, Return, ye children of men.

E whakahokia ana e koe te tangata kia mongamonga noa, a e mea ana, E hoki, e nga tama a te tangata.

For a thousand years in thy sight are but as yesterday when it is past, and as a watch in the night.

Ki tau titiro hoki, he rite nga tau kotahi mano ki te ra onanahi, kua pahure atu nei, ki te mataaratanga hoki i te po.

Thou carriest them away as with a flood; they are as a sleep: in the morning they are like grass which groweth up.

Me te mea na te waipuke tau kahakinga i a ratou; he moe ratou: i te ata ano he tarutaru e tupu ana.

In the morning it flourisheth, and groweth up; in the evening it is cut down, and withereth.

I te ata e tupu ana, e pihi ana: i te ahiahi kua kotia, kua maroke.

For we are consumed by thine anger, and by thy wrath are we troubled.

Kua hemo nei hoki matou i tou riri: ka ohorere hoki i tou aritatanga.

Thou hast set our iniquities before thee, our secret sins in the light of thy countenance.

Kua maka e koe o matou kino ki tou aroaro, o matou mea huna ki te marama o tou mata.

For all our days are passed away in thy wrath: we spend our years as a tale that is told.

Ka pau o matou ra katoa, me te riri ano koe: hemo ake o matou tau ano he korero e korerotia ana.

The days of our years are threescore years and ten; and if by reason of strength they be fourscore years, yet is their strength labour and sorrow; for it is soon cut off, and we fly away.

Ko nga ra o o matou tau e whitu tekau tau; a ki te whai kaha, ka waru tekau tau; heoi he mahi mauiui, he pouri to ratou kaha; ka hohoro hoki te hatepea atu, a ka rere atu matou.

Who knoweth the power of thine anger? even according to thy fear, so is thy wrath.

Ko wai te matau ana ki te kaha o tou riri? Rite pu ki te wehi ki a koe tou riri.

So teach us to number our days, that we may apply our hearts unto wisdom.

Akona matou ki te tatau i o matou ra, kia anga ai te ngakau ki te whakaaro.

Return, O LORD, how long? and let it repent thee concerning thy servants.

Hoki mai, e Ihowa, kia pehea ake te roa? A kia puta ke he whakaaro mou ki au pononga.

O satisfy us early with thy mercy; that we may rejoice and be glad all our days.

Kia na matou i te ata i tau mahi tohu: kia hari ai matou, kia koa ai, i o matou ra katoa.

Make us glad according to the days wherein thou hast afflicted us, and the years wherein we have seen evil.

Whakaharitia matou, kia rite ki nga ra i whakawhiua ai matou e koe, ki nga tau i kite ai matou i te kino.

Let thy work appear unto thy servants, and thy glory unto their children.

Kia puta mai tau mahi ki au pononga, me tou kororia ki a ratou tamariki.

And let the beauty of the LORD our God be upon us: and establish thou the work of our hands upon us; yea, the work of our hands establish thou it.

A hei runga i a matou te ataahua o Ihowa, o to matou Atua: whakapumautia ano ki a matou te mahi a o matou ringa, ae ra, te mahi a o matou ringa, whakapumautia e koe.