Romans 4

What shall we say then that Abraham our father, as pertaining to the flesh, hath found?

Inona ary no holazaintsika ho efa azon'i Abrahama, razantsika araka ny nofo?

For if Abraham were justified by works, he hath whereof to glory; but not before God.

Fa raha asa no nanamarinana an'i Abrahama, dia misy hireharehany ihany, nefa tsy amin'Andriamanitra.

For what saith the scripture? Abraham believed God, and it was counted unto him for righteousness.

Fa ahoana hoy ny Soratra Masina? Ary Abrahama nino an'Andriamanitra, ka dia nisaina ho fahamarinany izany (Gen. 15. 6).

Now to him that worketh is the reward not reckoned of grace, but of debt.

Ary ho an'izay miasa, dia tsy isaina ho fahasoavana ny karama, fa ho trosa.

But to him that worketh not, but believeth on him that justifieth the ungodly, his faith is counted for righteousness.

Fa ho an'izay tsy miasa kosa, fa mino Izay manamarina ny ratsy fanahy, dia ny finoany no isaina ho fahamarinana.

Even as David also describeth the blessedness of the man, unto whom God imputeth righteousness without works,

Dia araka izany koa no ilazan'i Davida fa sambatra ny olona izay isain'Andriamanitra fahamarinana tsy amin'ny asa, hoe:

Saying, Blessed are they whose iniquities are forgiven, and whose sins are covered.

Sambatra izay voavela ny helony sy voasarona ny fahotany.

Blessed is the man to whom the Lord will not impute sin.

Sambatra izay olona tsy hisain'i Jehovah heloka (Sal. 32. 1, 2).

Cometh this blessedness then upon the circumcision only, or upon the uncircumcision also? for we say that faith was reckoned to Abraham for righteousness.

Koa izany fahasambarana izany moa an'ny voafora ihany va, sa an'ny tsy voafora koa? fa lazaintsika fa ny finoana no nisaina ho fahamarinan'i Abrahama.

How was it then reckoned? when he was in circumcision, or in uncircumcision? Not in circumcision, but in uncircumcision.

Ary ahoana no nanisana izany? Tamin'izy efa voafora va, sa fony izy tsy mbola voafora? Tsy tamin'izy efa voafora tsy akory, fa fony izy tsy mbola voafora.

And he received the sign of circumcision, a seal of the righteousness of the faith which he had yet being uncircumcised: that he might be the father of all them that believe, though they be not circumcised; that righteousness might be imputed unto them also:

Ary ny famorana, izay famantarana, dia noraisiny ho tombo-kasen'ny fahamarinana amin'ny finoana izay nananany fony izy tsy mbola voafora, mba ho rain'ny olona rehetra izay mino izy, na dia ny tsy voafora aza, mba hisaina ho an'ireny ny fahamarinana,

And the father of circumcision to them who are not of the circumcision only, but who also walk in the steps of that faith of our father Abraham, which he had being yet uncircumcised.

ary ho rain'ny voafora, dia tsy izay voafora ihany, fa izay mandeha araka ny dian'ny finoan'i Abrahama razantsika koa, izay nananany fony izy tsy mbola voafora.

For the promise, that he should be the heir of the world, was not to Abraham, or to his seed, through the law, but through the righteousness of faith.

Fa tsy lalàna, fa fahamarinana amin'ny finoana, no nahazoan'i Abrahama sy ny taranany ny teny fikasana ho mpandova izao tontolo izao izy.

For if they which are of the law be heirs, faith is made void, and the promise made of none effect:

Fa raha izay amin'ny lalàna no mpandova, dia efa foana ny finoana, ary efa tsinontsinona ny teny fikasana;

Because the law worketh wrath: for where no law is, there is no transgression.

fa ny lalàna mahatonga fahatezerana; fa raha tsy misy lalàna, dia tsy misy fandikan-dalàna.

Therefore it is of faith, that it might be by grace; to the end the promise might be sure to all the seed; not to that only which is of the law, but to that also which is of the faith of Abraham; who is the father of us all,

Koa finoana no andovana, mba ho araka ny fahasoavana, hahatò ny teny fikasana ho an'ny taranaka rehetra,- tsy ho an'izay amin'ny lalàna ihany, fa ho an'izay amin'ny finoan'i Abrahama koa, dia ilay razantsika rehetra -

(As it is written, I have made thee a father of many nations,) before him whom he believed, even God, who quickeneth the dead, and calleth those things which be not as though they were.

araka ny voasoratra hoe: Nataoko ho rain'ny firenena maro ianao (Gen. 17. 5) - teo anatrehan'izay ninoany, dia Andriamanitra Izay mamelona ny maty sy miantso ny tsy misy toy ny misy.

Who against hope believed in hope, that he might become the father of many nations; according to that which was spoken, So shall thy seed be.

Ary na dia efa tsy nisy fanantenana aza, dia nanantena ihany izy ka nino, mba ho rain'ny firenena maro; araka ny voalaza hoe: Ho tahaka izany ny taranakao (Gen. 15. 5).

And being not weak in faith, he considered not his own body now dead, when he was about an hundred years old, neither yet the deadness of Sara's womb:

Ary satria tsy mba nalemy finoana izy, dia nihevitra ny tenany izay efa hoatra ny maty (fa efa tokony ho zato taona izy) sy ny fahafatesan'ny kibon'i Saraha,

He staggered not at the promise of God through unbelief; but was strong in faith, giving glory to God;

ary tsy niahanahana ny amin'ny teny fikasan'Andriamanitra tamin'ny tsi-finoana izy, fa nampaherezin'ny finoana ka nanome voninahitra an'Andriamanitra

And being fully persuaded that, what he had promised, he was able also to perform.

ary natoky indrindra fa izay nolazainy dia hainy hatao koa.

And therefore it was imputed to him for righteousness.

Dia nisaina ho fahamarinany izany.

Now it was not written for his sake alone, that it was imputed to him;

Nefa tsy ho azy ihany no nanoratana fa nisaina ho azy izany,

But for us also, to whom it shall be imputed, if we believe on him that raised up Jesus our Lord from the dead;

fa ho antsika izay hanisana izany koa, dia isika izay mino Ilay nanangana an'i Jesosy Tompontsika tamin'ny maty,

Who was delivered for our offences, and was raised again for our justification.

Izay natolotra noho ny fahadisoantsika ka natsangana indray ho fanamarinana antsika.