Ephesians 6

Children, obey your parents in the Lord: for this is right.

Anaka, maneke ny ray sy ny reninareo ao amin'ny Tompo, fa marina izany.

Honour thy father and mother; (which is the first commandment with promise;)

Manajà ny ray sy ny reninao (fa izany no didy voalohany misy teny fikasana),

That it may be well with thee, and thou mayest live long on the earth.

mba hahita soa ianao sy ho maro andro ambonin'ny tany (Deo. 5. 16).

And, ye fathers, provoke not your children to wrath: but bring them up in the nurture and admonition of the Lord.

Ary ianareo ray, aza mampahatezitra ny zanakareo, fa tezao amin'ny famaizana sy ny fananaran'ny Tompo izy.

Servants, be obedient to them that are your masters according to the flesh, with fear and trembling, in singleness of your heart, as unto Christ;

Hianareo mpanompo, maneke ny tomponareo araka ny nofo amin'ny fahatahorana sy ny fangovitana, amin'ny fahatsoran'ny fonareo, toy ny fanekena an'i Kristy ihany,

Not with eyeservice, as menpleasers; but as the servants of Christ, doing the will of God from the heart;

tsy amin'ny fanompoana eo imaso, tahaka ny mpila sitraka amin'olona, fa tahaka ny mpanompon'i Kristy manao izay sitrapon'Andriamanitra amin'ny fo,

With good will doing service, as to the Lord, and not to men:

amin'ny sitrapo manao fanompoana toy ny amin'ny Tompo, fa tsy amin'olona,

Knowing that whatsoever good thing any man doeth, the same shall he receive of the Lord, whether he be bond or free.

satria fantatrareo fa izay soa ataon'ny olona rehetra no horaisiny amin'ny Tompo, na andevo na tsy andevo izy.

And, ye masters, do the same things unto them, forbearing threatening: knowing that your Master also is in heaven; neither is there respect of persons with him.

Ary ianareo tompo, manaova toy izany aminy kosa, ka atsaharo ny fandrahonana, satria fantatrareo fa ny Tompony sady Tomponareo koa dia any an-danitra; ary tsy misy fizahan-tavan'olona aminy.

Finally, my brethren, be strong in the Lord, and in the power of his might.

Farany, mahereza ao amin'ny Tompo sy amin'ny herin'ny faherezany.

Put on the whole armour of God, that ye may be able to stand against the wiles of the devil.

Tafio avokoa ny fiadian'Andriamanitra, mba hahazoanareo hifahatra amin'ny fanangolen'ny devoly.

For we wrestle not against flesh and blood, but against principalities, against powers, against the rulers of the darkness of this world, against spiritual wickedness in high places.

Fa isika tsy mitolona amin'ny nofo aman-drà, fa amin'ny fanapahana sy amin'ny fanjakana sy amin'ny mpanjakan'izao fahamaizinana izao, dia amin'ny fanahy ratsy eny amin'ny rivotra.

Wherefore take unto you the whole armour of God, that ye may be able to withstand in the evil day, and having done all, to stand.

Ary noho izany, dia raiso avokoa ny fiadian'Andriamanitra, mba hahazoanareo hanohitra amin'ny andro mahory; ary rehefa vitanareo avokoa, dia hahafahatra ianareo.

Stand therefore, having your loins girt about with truth, and having on the breastplate of righteousness;

Mifahara ary, ka sikino fahamarinana ny valahanareo, ary mitafia ny rariny ho fiarovan-tratra,

And your feet shod with the preparation of the gospel of peace;

ary kiraroy ny fahavononam-panahy avy amin'ny filazantsaran'ny fihavanana ny tongotrareo;

Above all, taking the shield of faith, wherewith ye shall be able to quench all the fiery darts of the wicked.

ary ho fanampin'izany rehetra izany dia tano ny finoana ho ampinga, izay hahazoanareo hamono ny zana-tsipìka mirehitra rehetra izay alefan'ilay ratsy.

And take the helmet of salvation, and the sword of the Spirit, which is the word of God:

Ary raiso ny famonjena ho fiarovan-doha sy ny tenin'Andriamanitra ho sabatry ny Fanahy;

Praying always with all prayer and supplication in the Spirit, and watching thereunto with all perseverance and supplication for all saints;

ary mivavaha mandrakariva ao amin'ny Fanahy amin'ny fivavahana rehetra sy ny fangatahana, ka miambena amin'izany amin'ny faharetana sy ny fangatahana rehetra ho an'ny olona masina rehetra,

And for me, that utterance may be given unto me, that I may open my mouth boldly, to make known the mystery of the gospel,

ary ho ahy koa mba homena ahy ny hiloa-bava amin'ny fahasahiana hampahafantatra ny zava-miafina momba ny filazantsara

For which I am an ambassador in bonds: that therein I may speak boldly, as I ought to speak.

(iraka migadra noho izany aho), mba hiteny izany amin'ny fahasahiana aho, toy izay mety hoteneniko.

But that ye also may know my affairs, and how I do, Tychicus, a beloved brother and faithful minister in the Lord, shall make known to you all things:

Fa mba ho fantatrareo koa izay toetro, dia Tykiko, rahalahy malala sady mpanompo mahatoky ao amin'ny Tompo, no hampahalala anareo ny zavatra rehetra;

Whom I have sent unto you for the same purpose, that ye might know our affairs, and that he might comfort your hearts.

izy no nirahiko hilaza izany zavatra izany indrindra aminareo, mba ho fantatrareo ny toetray, ary mba hamporisihiny ny fonareo.

Peace be to the brethren, and love with faith, from God the Father and the Lord Jesus Christ.

Fiadanana anie ho an'ny rahalahy ary fitiavana mbamin'ny finoana avy amin'Andriamanitra Ray sy Jesosy Kristy Tompo.

Grace be with all them that love our Lord Jesus Christ in sincerity. Amen. Written from Rome unto the Ephesians by Tychicus.

Ny fahasoavana anie ho amin'izay rehetra tia an'i Jesosy Kristy Tompontsika amin'ny fitiavana tsy mety levona. Amena.