Psalms 96

Chante yon chante tou nèf pou Seyè a! Nou tout ki rete sou latè, chante pou Seyè a!

O sing unto the LORD a new song: sing unto the LORD, all the earth.

Chante pou Seyè a, fè lwanj li! Chak jou, fè konnen jan li delivre nou.

Sing unto the LORD, bless his name; shew forth his salvation from day to day.

Fè nasyon yo konnen pouvwa li. Fè tout pèp yo konnen bèl bagay li fè yo.

Declare his glory among the heathen, his wonders among all people.

Seyè a gen gwo pouvwa. Li merite pou yo fè lwanj li vre. Se pou moun pè l' pi plis pase lòt bondye yo.

For the LORD is great, and greatly to be praised: he is to be feared above all gods.

Bondye lòt nasyon yo pa anyen, se pòtre yo ye. Men, se Seyè a ki fè syèl la.

For all the gods of the nations are idols: but the LORD made the heavens.

Devan li se respè, se chapo ba. Gen pouvwa, gen mèvèy nan kay ki apa pou li a!

Honour and majesty are before him: strength and beauty are in his sanctuary.

Nou tout pèp ki sou latè, fè lwanj Seyè a! Fè lwanj Seyè a pou pouvwa ak fòs li genyen!

Give unto the LORD, O ye kindreds of the people, give unto the LORD glory and strength.

Fè lwanj li paske li merite sa! Pote ofrann ba li anndan lakay li!

Give unto the LORD the glory due unto his name: bring an offering, and come into his courts.

Adore Bondye nan bèl kay ki apa pou li a! Nou tout ki sou latè, tranble devan li.

O worship the LORD in the beauty of holiness: fear before him, all the earth.

Mache di nan tout peyi yo: Se Seyè a ki sèl wa. Latè kanpe fèm, anyen pa ka brannen l'. L'ap jije tout moun san patipri.

Say among the heathen that the LORD reigneth: the world also shall be established that it shall not be moved: he shall judge the people righteously.

Se pou syèl la kontan, se pou latè a fè fèt. Se pou lanmè a ansanm ak tou sa ki ladan l' pran fè bri sitèlman yo kontan.

Let the heavens rejoice, and let the earth be glad; let the sea roar, and the fulness thereof.

Se pou jaden yo ak tou sa ki ladan yo fè fèt. Se pou tout pyebwa nan gwo rak yo rele sitèlman yo kontan,

Let the field be joyful, and all that is therein: then shall all the trees of the wood rejoice

lè Seyè a parèt. Paske, l'ap vini. L'ap vini pou l' jije tout moun ki sou latè. L'ap jije tout moun san patipri. L'ap jije tout pèp yo jan sa dwe fèt.

Before the LORD: for he cometh, for he cometh to judge the earth: he shall judge the world with righteousness, and the people with his truth.