John 6

Apre sa, Jezi janbe lòt bò lanmè Galile a. Yo rele lanmè sa a lanmè Tiberyad tou.

After these things Jesus went over the sea of Galilee, which is the sea of Tiberias.

Yon gwo foul moun t'ap swiv li, paske yo te wè mirak li t'ap fè, jan li t'ap geri anpil moun malad tou.

And a great multitude followed him, because they saw his miracles which he did on them that were diseased.

Jezi moute sou yon ti mòn, li chita la ansanm ak disip li yo.

And Jesus went up into a mountain, and there he sat with his disciples.

Jou fèt Delivrans jwif yo te vanse rive.

And the passover, a feast of the Jews, was nigh.

Jezi gade, li wè yon gwo foul moun ki t'ap vin jwenn li. Li rele Filip, li di l' konsa: Ki bò nou ta ka jwenn manje pou n' achte pou n' bay moun sa yo manje?

When Jesus then lifted up his eyes, and saw a great company come unto him, he saith unto Philip, Whence shall we buy bread, that these may eat?

(Li t'ap di sa pou l' te wè sa Filip tapral reponn li; li menm li te byen konnen sa l' tapral fè.)

And this he said to prove him: for he himself knew what he would do.

Filip reponn li: Menm si nou ta gen desan (200) goud pou achte pen, pa ta gen ase pou chak moun ta jwenn ti kal.

Philip answered him, Two hundred pennyworth of bread is not sufficient for them, that every one of them may take a little.

Yon lòt nan disip yo, Andre, frè Simon Pyè a, di li:

One of his disciples, Andrew, Simon Peter's brother, saith unto him,

Gen yon ti gason la a ki gen senk pen fèt ak farenn lòj, ak de ti pwason. Men, sa pa anyen pou tout kantite moun sa yo.

There is a lad here, which hath five barley loaves, and two small fishes: but what are they among so many?

Lè sa a, Jezi di yo: Fè moun yo chita. (Te gen anpil zèb bò la.) Moun yo chita, te gen senkmil (5.000) gason konsa.

And Jesus said, Make the men sit down. Now there was much grass in the place. So the men sat down, in number about five thousand.

Jezi pran pen yo; lè li fin di Bondye mèsi pou yo, li bay tout moun ki te chita yo. Li fè menm jan an tou ak pwason yo. Yo tout te jwenn kantite yo te vle.

And Jesus took the loaves; and when he had given thanks, he distributed to the disciples, and the disciples to them that were set down; and likewise of the fishes as much as they would.

Lè tout fin manje vant plen, Jezi di disip li yo: Ranmase tout ti moso ki rete yo. Pa kite anyen gaspiye.

When they were filled, he said unto his disciples, Gather up the fragments that remain, that nothing be lost.

Yo ranmase tout moso ki te rete nan senk pen moun yo te manje yo. Yo plen douz panyen pote ale.

Therefore they gathered them together, and filled twelve baskets with the fragments of the five barley loaves, which remained over and above unto them that had eaten.

Lè moun yo wè mirak Jezi te fè a, yo di konsa: Se vre wi, nonm sa a se pwofèt ki te gen pou vini sou latè a.

Then those men, when they had seen the miracle that Jesus did, said, This is of a truth that prophet that should come into the world.

Jezi te vin konnen yo tapral pran l' pa fòs pou yo fè l' wa. Li wete kò l' ankò sou ti mòn lan, men fwa sa a pou kont li.

When Jesus therefore perceived that they would come and take him by force, to make him a king, he departed again into a mountain himself alone.

Lè solèy fin kouche, disip li yo desann bò lanmè a.

And when even was now come, his disciples went down unto the sea,

Yo moute nan yon kannòt, yo pran travèse lanmè a nan direksyon Kapènawòm. Te fin fè nwit nèt, men Jezi pa t' ankò vin jwenn yo.

And entered into a ship, and went over the sea toward Capernaum. And it was now dark, and Jesus was not come to them.

Dlo lanmè a te move paske van an te fò.

And the sea arose by reason of a great wind that blew.

Yo te gen tan naje zaviwon senk a sis kilomèt konsa deja, lè yo wè Jezi ki t'ap vin bò kannòt la. Li t'ap mache sou dlo a. Yo tout te pè.

So when they had rowed about five and twenty or thirty furlongs, they see Jesus walking on the sea, and drawing nigh unto the ship: and they were afraid.

Men, Jezi di yo: Se mwen menm. Nou pa bezwen pè.

But he saith unto them, It is I; be not afraid.

Yo te vle pran l' nan kannòt la, men lamenm yo fè tè: yo te gen tan rive kote yo taprale a.

Then they willingly received him into the ship: and immediately the ship was at the land whither they went.

Nan denmen, foul moun ki te rete lòt bò lanmè a te wè te gen yon sèl kannòt ase. Yo te konnen Jezi pa t' moute nan kannòt la avèk disip li yo. Disip li yo te pati pou kont yo.

The day following, when the people which stood on the other side of the sea saw that there was none other boat there, save that one whereinto his disciples were entered, and that Jesus went not with his disciples into the boat, but that his disciples were gone away alone;

Men, te gen lòt kannòt ki te soti lavil Tiberyad ki te rive bò kote yo te manje pen an apre Seyè a te di Bondye mèsi a.

(Howbeit there came other boats from Tiberias nigh unto the place where they did eat bread, after that the Lord had given thanks:)

Lè foul moun yo wè ni Jezi, ni disip li yo pa t' la, yo moute nan kannòt sa yo, y' al chache l' lavil Kapènawòm.

When the people therefore saw that Jesus was not there, neither his disciples, they also took shipping, and came to Capernaum, seeking for Jesus.

Yo jwenn Jezi lòt bò lanmè a. Yo di li: Mèt, kilè ou gen tan rive isit la?

And when they had found him on the other side of the sea, they said unto him, Rabbi, when camest thou hither?

Jezi reponn yo: Sa m'ap di nou la a, se vre wi: Se pa paske nou wè mirak mwen fè yo non kifè n'ap chache m' konsa. Se paske nou manje pen plen vant nou.

Jesus answered them and said, Verily, verily, I say unto you, Ye seek me, not because ye saw the miracles, but because ye did eat of the loaves, and were filled.

Pa travay pou manje k'ap gate! Travay pito pou manje k'ap konsève, manje k'ap bay lavi ki p'ap janm fini an. Kalite manje sa a, se Moun Bondye voye nan lachè a ki va ban nou l', paske se pou sa Bondye Papa a voye li.

Labour not for the meat which perisheth, but for that meat which endureth unto everlasting life, which the Son of man shall give unto you: for him hath God the Father sealed.

Lè sa a, yo mande li: Kisa pou n' fè si nou vle fè travay Bondye?

Then said they unto him, What shall we do, that we might work the works of God?

Jezi reponn yo: Sèl travay Bondye mande nou pou n' fè, se pou nou mete konfyans nou nan moun li voye a.

Jesus answered and said unto them, This is the work of God, that ye believe on him whom he hath sent.

Yo di li: Ki mirak ou ka fè nou wè pou nou ka kwè nan ou? Kisa ou pral fè?

They said therefore unto him, What sign shewest thou then, that we may see, and believe thee? what dost thou work?

Zansèt nou yo te manje laman nan dezè a, jan sa ekri nan Liv la: Li ba yo pen ki soti nan syèl la pou yo manje.

Our fathers did eat manna in the desert; as it is written, He gave them bread from heaven to eat.

Jezi reponn yo: Sa m'ap di nou la a, se vre wi: Moyiz pa t' ban nou pen ki soti nan syèl la. Men, se Papa m' k'ap ban nou pen ki soti nan syèl tout bon an.

Then Jesus said unto them, Verily, verily, I say unto you, Moses gave you not that bread from heaven; but my Father giveth you the true bread from heaven.

Paske pen Bondye bay la, se moun ki desann sot nan syèl la pou bay lèzòm lavi.

For the bread of God is he which cometh down from heaven, and giveth life unto the world.

Yo di li: Mèt, toujou ban n' nan kalite pen sa a.

Then said they unto him, Lord, evermore give us this bread.

Jezi di yo: Se mwen menm pen ki bay lavi a. Moun ki vin jwenn mwen p'ap janm grangou; moun ki kwè nan mwen p'ap janm swaf dlo.

And Jesus said unto them, I am the bread of life: he that cometh to me shall never hunger; and he that believeth on me shall never thirst.

Men, mwen te di nou sa: nou wè m', men nou pa kwè toujou.

But I said unto you, That ye also have seen me, and believe not.

Tout moun Papa a ban mwen, gen pou vin jwenn mwen. Mwen p'ap janm mete moun ki vin jwenn mwen yo deyò.

All that the Father giveth me shall come to me; and him that cometh to me I will in no wise cast out.

Paske, se pa pou fè volonte pa m' mwen desann sot nan syèl la, men pou m' fè volonte moun ki voye m' lan.

For I came down from heaven, not to do mine own will, but the will of him that sent me.

Men sa moun ki voye m' lan vle: li vle pou m' pa pèdi yonn nan moun li ban mwen yo, men pou m' fè yo leve soti vivan nan lanmò nan dènye jou a.

And this is the Father's will which hath sent me, that of all which he hath given me I should lose nothing, but should raise it up again at the last day.

Men sa Papa m' vle: Tout moun ki wè Pitit la, ki kwè nan li, se pou yo gen lavi ki p'ap janm fini an. Mwen gen pou m' fè yo leve soti vivan nan lanmò nan dènye jou a.

And this is the will of him that sent me, that every one which seeth the Son, and believeth on him, may have everlasting life: and I will raise him up at the last day.

Jwif yo te fache anpil sou Jezi poutèt li te di: Se mwen menm ki pen ki desann sot nan syèl la.

The Jews then murmured at him, because he said, I am the bread which came down from heaven.

Yo t'ap di: Apa Jezi, pitit gason Jozèf la? Nou konn papa l' ak manman li. Ki jan li ka fè di koulye a li desann sot nan syèl la?

And they said, Is not this Jesus, the son of Joseph, whose father and mother we know? how is it then that he saith, I came down from heaven?

Jezi reponn yo: Nou pa bezwen ap bougonnen konsa.

Jesus therefore answered and said unto them, Murmur not among yourselves.

Pesonn pa ka vin jwenn mwen si Papa ki voye m' lan pa rele l' vini. Mwen menm, m'a fè l' leve soti vivan nan lanmò nan dènye jou a.

No man can come to me, except the Father which hath sent me draw him: and I will raise him up at the last day.

Se sa ki ekri nan liv pwofèt yo: Bondye menm ap moutre yo tout bagay. Tout moun ki koute Papa a, ki asepte tou sa l' moutre yo, y'ap vin jwenn mwen.

It is written in the prophets, And they shall be all taught of God. Every man therefore that hath heard, and hath learned of the Father, cometh unto me.

Sa pa vle di gen pesonn ki janm wè Papa a. Sèl moun ki wè Papa a, se moun ki soti bò kote Bondye ye a.

Not that any man hath seen the Father, save he which is of God, he hath seen the Father.

Sa m'ap di nou la a, se vre wi: moun ki mete konfyans yo nan Bondye, se yo ki gen lavi ki p'ap janm fini an.

Verily, verily, I say unto you, He that believeth on me hath everlasting life.

Se mwen menm pen ki bay lavi a.

I am that bread of life.

Zansèt nou yo te manje laman nan dezè a, atousa yo mouri.

Your fathers did eat manna in the wilderness, and are dead.

Men, moun ki manje pen ki desann sot nan syèl la, yo p'ap janm mouri.

This is the bread which cometh down from heaven, that a man may eat thereof, and not die.

Se mwen menm pen ki bay lavi a, pen ki desann sot nan syèl la. Si yon moun manje nan pen sa a, l'ap viv pou tout tan. Pen mwen gen pou m' bay la, se kò mwen. M'ap bay li pou tout moun ki sou latè ka jwenn lavi.

I am the living bread which came down from heaven: if any man eat of this bread, he shall live for ever: and the bread that I will give is my flesh, which I will give for the life of the world.

Pawòl sa yo fè jwif yo tonbe diskite yonn ak lòt. Yo t'ap mande: Kouman nonm sa a kapab ban nou kò l' pou n' manje?

The Jews therefore strove among themselves, saying, How can this man give us his flesh to eat?

Jezi di yo: Sa m'ap di nou la a, se vre wi: si nou pa manje kò Moun Bondye voye nan lachè a, si nou pa bwè san li, nou p'ap gen lavi nan nou.

Then Jesus said unto them, Verily, verily, I say unto you, Except ye eat the flesh of the Son of man, and drink his blood, ye have no life in you.

Moun ki manje kò mwen, ki bwè san mwen, li gen lavi ki p'ap janm fini an. Mwen gen pou m' fè l' leve soti vivan nan lanmò nan dènye jou a.

Whoso eateth my flesh, and drinketh my blood, hath eternal life; and I will raise him up at the last day.

Paske kò m', se yon manje tout bon, san mwen, se yon bwason tout bon.

For my flesh is meat indeed, and my blood is drink indeed.

Moun ki manje kò m', ki bwè san m', y'ap fè yonn avè m', epi m'ap fè yonn avè yo tou.

He that eateth my flesh, and drinketh my blood, dwelleth in me, and I in him.

Papa ki voye m' lan, li vivan. Se li menm ki ban m' lavi. Konsa tou, moun ki manje m', m'a ba yo lavi.

As the living Father hath sent me, and I live by the Father: so he that eateth me, even he shall live by me.

Men pen ki desann sot nan syèl la. Li pa tankou pen zansèt nou yo te manje a, paske pen yo a pa t' anpeche yo mouri. Moun ki manje pen sa a ap viv pou tout tan.

This is that bread which came down from heaven: not as your fathers did eat manna, and are dead: he that eateth of this bread shall live for ever.

Jezi te di pawòl sa yo antan l' te nan sinagòg Kapènawòm lan ap moutre moun yo anpil bagay.

These things said he in the synagogue, as he taught in Capernaum.

Lè yo fin tande sa, anpil nan disip Jezi yo di: Pawòl sa a twò rèd. Ki moun ki ka pran li?

Many therefore of his disciples, when they had heard this, said, This is an hard saying; who can hear it?

Jezi te gen tan wè disip li yo t'ap bougonnen sou pawòl la. Li di yo: Sa ofiske nou, pa vre?

When Jesus knew in himself that his disciples murmured at it, he said unto them, Doth this offend you?

Kisa n'a di lè n'a wè Moun Bondye voye nan lachè a tounen moute kote l' te ye anvan an?

What and if ye shall see the Son of man ascend up where he was before?

Se lespri a ki bay lavi, kò a pa vo anyen. Pawòl mwen di nou yo soti nan Lespri Bondye, yo bay lavi.

It is the spirit that quickeneth; the flesh profiteth nothing: the words that I speak unto you, they are spirit, and they are life.

Men, gen kèk moun pami nou ki pa kwè. (Jezi te pale konsa, paske depi nan konmansman li te konnen moun ki pa t'ap kwè yo ansanm ak moun ki te gen pou trayi l' la.)

But there are some of you that believe not. For Jesus knew from the beginning who they were that believed not, and who should betray him.

Li di ankò: Se poutèt sa mwen te di nou: pesonn pa ka vin jwenn mwen si se pa Bondye Papa a ki fè sa pou li.

And he said, Therefore said I unto you, that no man can come unto me, except it were given unto him of my Father.

Depi lè sa a, anpil nan disip yo wete kò yo, yo pa mache avè l' ankò.

From that time many of his disciples went back, and walked no more with him.

Lè Jezi wè sa, li di douz disip yo: Nou menm, nou pa vle ale tou?

Then said Jesus unto the twelve, Will ye also go away?

Simon Pyè reponn li: Seyè, ki moun pou n' al jwenn? Se ou menm ki gen pawòl k'ap bay lavi ki p'ap janm fini an.

Then Simon Peter answered him, Lord, to whom shall we go? thou hast the words of eternal life.

Koulye a nou kwè, nou konnen se ou menm ki moun Bondye chwazi a.

And we believe and are sure that thou art that Christ, the Son of the living God.

Jezi reponn yo: Eske se pa mwen ki chwazi nou touledouz? Malgre sa, yonn nan nou se yon dyab.

Jesus answered them, Have not I chosen you twelve, and one of you is a devil?

Li t'ap pale sou Jida, pitit Simon Iskariòt la. Paske, atout Jida te yonn nan douz disip yo, se li ki tapral trayi li.

He spake of Judas Iscariot the son of Simon: for he it was that should betray him, being one of the twelve.