Psalms 76

Pou chèf sanba yo. Se sou enstriman akòd pou yo jwe mizik la. Sòm Asaf sa a, se yon chante li ye.

למנצח בנגינת מזמור לאסף שיר נודע ביהודה אלהים בישראל גדול שמו׃

Yo konnen ki moun Bondye ye nan tout peyi Jida. Se tout moun k'ap nonmen non l' nan peyi Izrayèl.

ויהי בשלם סכו ומעונתו בציון׃

Li gen kay li lavil Salèm, li rete sou mòn Siyon.

שמה שבר רשפי קשת מגן וחרב ומלחמה סלה׃

Se la li te kase flèch yo, se la li te kase zam yo gen pou defann yo, ak zam yo gen pou atake. Wi, li kase tout zam moun sèvi pou fè lagè.

נאור אתה אדיר מהררי טרף׃

Gade jan ou gen pouvwa, Bondye! Gade jan w'ap mache tèt wo, lè w'ap desann soti nan mòn kote ou te kraze lènmi ou yo!

אשתוללו אבירי לב נמו שנתם ולא מצאו כל אנשי חיל ידיהם׃

Sòlda ki te gen anpil kouraj nan lagè pèdi tout zafè yo. Koulye a y'ap dòmi nèt, yo mouri. Pa gen yonn nan vanyan gason sa yo ki te ka defann tèt yo.

מגערתך אלהי יעקב נרדם ורכב וסוס׃

Aa, Bondye Jakòb! Depi ou fè va sou yo, ni kavalye ni chwal, yo tout yo tonbe, yo mouri frèt.

אתה נורא אתה ומי יעמד לפניך מאז אפך׃

Men ou menm, ou fè moun respekte ou! Kilès ki ka rete kanpe devan ou lè ou an kòlè?

משמים השמעת דין ארץ יראה ושקטה׃

Ou rete nan syèl la, ou fè konnen jan w'ap jije. Tout moun ki sou latè rete dousman tèlman yo pè,

בקום למשפט אלהים להושיע כל ענוי ארץ סלה׃

lè Bondye leve pou bay santans li, pou l' delivre tout malere y'ap peze sou tè a.

כי חמת אדם תודך שארית חמת תחגר׃

Menm lè lèzòm an kòlè, sa sèvi yon lwanj pou ou. Moun ou sove anba lanmò va fè fèt pou ou.

נדרו ושלמו ליהוה אלהיכם כל סביביו יובילו שי למורא׃

Fè pwomès ou bay Seyè a ki Bondye, epi kenbe pawòl ou. Nou menm, tout nasyon ki bò kote l' yo, pote kado bay Bondye ki fè moun respekte l' la. Li kraze lògèy chèf yo, li fè wa latè yo respekte l'.

יבצר רוח נגידים נורא למלכי ארץ׃