Psalms 147

Lwanj pou Seyè a! Sa bon nèt pou nou chante pou Seyè a. Sa bon nèt pou nou fè lwanj Seyè a. Wi, li merite l' vre!

הללו יה כי טוב זמרה אלהינו כי נעים נאוה תהלה׃

Seyè a ap rebati lavil Jerizalèm. L'ap fè moun Izrayèl ki te gaye nan mitan lòt nasyon yo tounen lakay yo.

בונה ירושלם יהוה נדחי ישראל יכנס׃

L'ap bay moun ki nan gwo lapenn yo kouraj. L'ap geri moun ki blese yo.

הרפא לשבורי לב ומחבש לעצבותם׃

Li konte konbe zetwal ki genyen! Li konnen non yo chak.

מונה מספר לכוכבים לכלם שמות יקרא׃

Seyè nou an gen pouvwa. Li gen anpil fòs. Konesans li pa gen limit.

גדול אדונינו ורב כח לתבונתו אין מספר׃

Seyè a ap bay pòv malere yo men pou yo leve. Men, l'ap rabese mechan yo jouk atè.

מעודד ענוים יהוה משפיל רשעים עדי ארץ׃

Chante yon chante pou Seyè a pou nou di l' mèsi. Fè mizik pou Bondye nou an ak gita.

ענו ליהוה בתודה זמרו לאלהינו בכנור׃

Se li ki kouvri syèl la ak nwaj yo. Se li ki pare lapli pou tè a. Se li ki fè zèb pouse sou mòn yo.

המכסה שמים בעבים המכין לארץ מטר המצמיח הרים חציר׃

Li bay bèt yo manje, li bay ti kònèy yo manje lè yo rele.

נותן לבהמה לחמה לבני ערב אשר יקראו׃

Li pa pran plezi l' nan chwal ki gen fòs, ni se pa kouraj moun ki fè kè l' kontan.

לא בגבורת הסוס יחפץ לא בשוקי האיש ירצה׃

Moun ki fè kè l' kontan, se moun ki gen krentif pou li, se moun ki mete tout espwa yo nan li, paske yo konnen li renmen yo.

רוצה יהוה את יראיו את המיחלים לחסדו׃

Nou menm, moun lavil Jerizalèm, fè lwanj Seyè a! Nou menm, moun mòn Siyon, fè lwanj Bondye nou an!

שבחי ירושלם את יהוה הללי אלהיך ציון׃

Li fè pòt kay nou yo vin pi solid. Li voye benediksyon sou pitit nou yo nan mitan nou.

כי חזק בריחי שעריך ברך בניך בקרבך׃

L'ap veye fwontyè peyi a pou pa gen lagè! L'ap plen vant nou ak bon kalite manje.

השם גבולך שלום חלב חטים ישביעך׃

Li pase yon lòd: lòd la kouri byen vit toupatou sou latè.

השלח אמרתו ארץ עד מהרה ירוץ דברו׃

Li fè lanèj tonbe kouvri latè tankou koton. Li fè lawouze tounen ti moso glas sou tout pyebwa.

הנתן שלג כצמר כפור כאפר יפזר׃

Li voye lagrèl tankou gravye. Ki moun ki ka sipòte fredi li voye?

משליך קרחו כפתים לפני קרתו מי יעמד׃

Li pase yon lòd, li fè yo tout fonn. Li fè van soufle, dlo pran koule toupatou.

ישלח דברו וימסם ישב רוחו יזלו מים׃

Li fè pitit Jakòb yo konnen pawòl li. li fè pèp Izrayèl la konnen lòd li yo ak sa li deside.

מגיד דברו ליעקב חקיו ומשפטיו לישראל׃

Li pa aji konsa ak okenn lòt nasyon. Li pa fè yo konnen sa l' deside fè. Lwanj pou Seyè a!

לא עשה כן לכל גוי ומשפטים בל ידעום הללו יה׃