Psalms 137

Nou te chita bò larivyè ki nan peyi Babilòn yo, nou t'ap kriye lè nou chonje peyi Siyon.

על נהרות בבל שם ישבנו גם בכינו בזכרנו את ציון׃

Nou te pandye gita nou yo nan branch pye sikren peyi a.

על ערבים בתוכה תלינו כנרותינו׃

Moun ki te fè nou prizonye yo t'ap mande pou nou chante pou yo. Moun ki t'ap peze nou yo t'ap mande pou nou anmize yo: -Chante yon chante peyi Siyon pou nou non!

כי שם שאלונו שובינו דברי שיר ותוללינו שמחה שירו לנו משיר ציון׃

Ki jan ou ta vle pou n' chante yon chante Seyè a nan yon peyi etranje?

איך נשיר את שיר יהוה על אדמת נכר׃

Si nou bliye ou, Jerizalèm. se pou nou bliye ki jan pou nou sèvi ak men dwat nou tou.

אם אשכחך ירושלם תשכח ימיני׃

Si nou pa chonje ou, si nou pa konsidere ou tankou pi gwo kontantman nou, se pou lang nou kole nan fon bouch nou.

תדבק לשוני לחכי אם לא אזכרכי אם לא אעלה את ירושלם על ראש שמחתי׃

Seyè, chonje sa moun peyi Edon yo te fè jou yo te pran lavil Jerizalèm. Chonje jan yo t'ap di: Kraze l'! Kraze l' ratè!

זכר יהוה לבני אדום את יום ירושלם האמרים ערו ערו עד היסוד בה׃

Nou menm moun lavil Babilòn, yo gen pou yo fini ak nou yon lè. Benediksyon pou moun ki va fè ou sibi menm bagay ou te fè nou sibi a.

בת בבל השדודה אשרי שישלם לך את גמולך שגמלת לנו׃

Benediksyon pou moun ki va pran pitit ou yo, ki va kraze yo sou gwo wòch!

אשרי שיאחז ונפץ את עלליך אל הסלע׃