Psalms 114

Lè pèp Izrayèl la te soti nan peyi Lejip, lè pitit pitit Jakòb yo te kite peyi etranje yo,

בצאת ישראל ממצרים בית יעקב מעם לעז׃

Bondye chwazi branch fanmi Jida a pou pèp li, moun Izrayèl yo pou byen pa l'.

היתה יהודה לקדשו ישראל ממשלותיו׃

Lè Lanmè Wouj la wè l', li pran kouri san gad dèyè. Larivyè Jouden sispann koule desann.

הים ראה וינס הירדן יסב לאחור׃

Mòn yo sote ponpe tankou bouk kabrit, ti mòn yo sote ponpe tankou ti mouton.

ההרים רקדו כאילים גבעות כבני צאן׃

Kisak pase ou, lanmè, kifè ou pran kouri konsa? Ou menm larivyè Jouden, kisak rive ou kifè ou sispann koule?

מה לך הים כי תנוס הירדן תסב לאחור׃

Nou menm mòn yo, sa nou genyen pou n'ap sote ponpe konsa tankou bouk kabrit? Nou menm ti mòn yo, poukisa n'ap sote ponpe tankou ti mouton?

ההרים תרקדו כאילים גבעות כבני צאן׃

Ou menm latè, tranble devan Seyè a, devan Bondye Jakòb la.

מלפני אדון חולי ארץ מלפני אלוה יעקב׃

Se li menm ki fè gwo wòch la tounen yon basen dlo, li fè wòch la tounen yon sous dlo.

ההפכי הצור אגם מים חלמיש למעינו מים׃