Proverbs 14

Bon konprann yon fanm fè kay li mache byen. Men, yon fanm sòt ap kraze kay li ak pwòp men li.

חכמות נשים בנתה ביתה ואולת בידיה תהרסנו׃

Moun ki mache dwat, se yo ki gen krentif pou Seyè a. Men, moun k'ap mache kwochi pa pran Bondye pou anyen.

הולך בישרו ירא יהוה ונלוז דרכיו בוזהו׃

Pawòl nan bouch moun san konprann, se fwèt pou dèyè yo. Men, pawòl nan bouch moun ki gen bon konprann, se pwoteksyon yo.

בפי אויל חטר גאוה ושפתי חכמים תשמורם׃

Kote ki pa gen bèf pou rale chari pa gen rekòt. Lè bèt ou anfòm w'ap fè bon rekòt.

באין אלפים אבוס בר ורב תבואות בכח שור׃

Yon bon temwen p'ap bay manti. Yon fo temwen p'ap di verite.

עד אמונים לא יכזב ויפיח כזבים עד שקר׃

Moun ki gen lògèy plen kè yo, yo mèt chache konesans, yo p'ap janm jwenn li. Men, pou moun ki gen lespri, se bagay fasil.

בקש לץ חכמה ואין ודעת לנבון נקל׃

Pa pwoche bò kote moun san konprann. Se pa anba bouch yo w'ap pran anyen.

לך מנגד לאיש כסיל ובל ידעת שפתי דעת׃

Moun ki gen bon konprann konnen sa l'ap fè. Moun sòt mete nan tèt li li konnen, men se tèt li l'ap twonpe.

חכמת ערום הבין דרכו ואולת כסילים מרמה׃

Moun sòt pran peche sèvi jwèt. Men, moun k'ap mache dwat pare pou rekonèt tò yo.

אולים יליץ אשם ובין ישרים רצון׃

Lè ou nan lapenn, se ou ki konnen sa w'ap soufri. Konsa tou, lè kè ou kontan, pesonn pa ka kontan avè ou.

לב יודע מרת נפשו ובשמחתו לא יתערב זר׃

Fanmi mechan yo gen pou disparèt. Men, fanmi moun k'ap mache dwat yo gen pou devlope.

בית רשעים ישמד ואהל ישרים יפריח׃

Chemen ou kwè ki bon an, se li ki mennen tou dwat nan lanmò.

יש דרך ישר לפני איש ואחריתה דרכי מות׃

Ou mèt ap ri, kè ou ka nan lapenn. Apre kontantman, se kè sere.

גם בשחוק יכאב לב ואחריתה שמחה תוגה׃

Moun k'ap fè sa ki mal ap jwenn sa l'ap chache a. Konsa tou, moun k'ap fè byen an ap jwenn rekonpans li.

מדרכיו ישבע סוג לב ומעליו איש טוב׃

Yon moun sòt ap kwè tou sa yo di l'. Men, moun ki gen konprann veye kote l'ap mete pye l'.

פתי יאמין לכל דבר וערום יבין לאשרו׃

Moun ki gen bon konprann pran prekosyon yo, yo egzante malè. Moun sòt yo awogan, yo toujou konprann zafè yo bon.

חכם ירא וסר מרע וכסיל מתעבר ובוטח׃

Lè yon moun gen san wo, l'ap toujou fè betiz. Men, moun ki kalkile anvan ap toujou rete kè pòpòz.

קצר אפים יעשה אולת ואיש מזמות ישנא׃

Moun san konprann aji tankou moun fou. Men, rekonpans moun ki gen lespri se konesans.

נחלו פתאים אולת וערומים יכתרו דעת׃

Move moun gen pou wete chapo devan bon moun. Moun mechan gen pou bese tèt devan moun k'ap mache dwat yo.

שחו רעים לפני טובים ורשעים על שערי צדיק׃

Lè ou pòv, ou pa gen zanmi. Lè ou rich, ou plen zanmi.

גם לרעהו ישנא רש ואהבי עשיר רבים׃

Se yon peche ou fè lè ou meprize frè parèy ou. Men, ala bon sa bon pou moun ki gen pitye pou pòv malere!

בז לרעהו חוטא ומחונן עניים אשריו׃

Lè w'ap chache fè sa ki mal, ou pèdi chemen ou. Men, lè w'ap chache fè sa ki byen, moun ap toujou renmen ou, yo p'ap janm lage ou.

הלוא יתעו חרשי רע וחסד ואמת חרשי טוב׃

Travay, w'a jwenn tou sa ou bezwen. Rete chita ap pale anpil ap rann ou pòv.

בכל עצב יהיה מותר ודבר שפתים אך למחסור׃

Rekonpans moun ki gen konprann se konesans. Moun san konprann ap toujou aji tankou moun sòt.

עטרת חכמים עשרם אולת כסילים אולת׃

Lè yon temwen di laverite, li sove lavi inonsan. Lè li bay manti, li twonpe jij yo.

מציל נפשות עד אמת ויפח כזבים מרמה׃

Lè yon moun gen krentif pou Bondye, li gen kote pou l' apiye. Pitit li yo ap jwenn pwoteksyon bò kot Bondye.

ביראת יהוה מבטח עז ולבניו יהיה מחסה׃

Gen krentif pou Bondye, w'a gen lavi. Ou p'ap tonbe lè lavi ou an danje.

יראת יהוה מקור חיים לסור ממקשי מות׃

Tout pouvwa yon wa, se lè peyi l'ap kòmande a gen anpil moun. Men, lè pa gen moun nan peyi a, wa a pa vo anyen.

ברב עם הדרת מלך ובאפס לאם מחתת רזון׃

Moun ki pa fè kòlè fasil, se moun ki gen bon konprann. Men, moun ki gen san wo fè wè jan li sòt.

ארך אפים רב תבונה וקצר רוח מרים אולת׃

Lè ou gen kè ou poze, ou kenbe kò ou an sante. Men, anvye sò lòt moun se tankou yon maladi k'ap manje ou nan zo.

חיי בשרים לב מרפא ורקב עצמות קנאה׃

Lè w'ap peze pòv malere, se Bondye ki fè l' la w'ap derespekte. Men, lè ou aji byen ak pòv, se pi bèl sèvis ou ka rann Bondye.

עשק דל חרף עשהו ומכבדו חנן אביון׃

Mechanste mechan an, se sa k'ap jete l' atè. Men, moun ki fè sa ki byen, y'ap pwoteje l' menm lè lavi l' an danje.

ברעתו ידחה רשע וחסה במותו צדיק׃

Moun ki gen konprann, se tout tan y'ap chache konnen. Men, moun sòt pa chache konnen anyen.

בלב נבון תנוח חכמה ובקרב כסילים תודע׃

Lè gen jistis nan yon peyi, sa leve peyi a. Men, peche lenjistis se yon wont pou yon nasyon.

צדקה תרומם גוי וחסד לאמים חטאת׃

Wa a kontan lè moun k'ap travay avè l' yo fè travay yo byen. Men, l'ap move sou moun k'ap fè travay yo mal.

רצון מלך לעבד משכיל ועברתו תהיה מביש׃