Job 9

Lè sa a, Jòb pran lapawòl, li di konsa:

ויען איוב ויאמר׃

-Wi, mwen konnen se konsa sa ye. Men, ki jan pou yon moun ka gen rezon devan Bondye?

אמנם ידעתי כי כן ומה יצדק אנוש עם אל׃

Si li vle plede ak Bondye, Bondye ap mande l' venmil keksyon, li p'ap ka reponn yonn menm.

אם יחפץ לריב עמו לא יעננו אחת מני אלף׃

Bondye sitèlman gen bon konprann, li sitèlman gen fòs, pa gen moun ki ka kenbe tèt avè l' pou yo pa peye sa.

חכם לבב ואמיץ כח מי הקשה אליו וישלם׃

Li deplase mòn yo lè lide l' di l'. Lè li an kòlè, li voye yo jete byen lwen.

המעתיק הרים ולא ידעו אשר הפכם באפו׃

Bondye fè tè a tranble kote l' chita a. Li souke poto ki soutni l' yo.

המרגיז ארץ ממקומה ועמודיה יתפלצון׃

Li annik bay yon lòd, epi solèy la pa leve. Li fè zetwal yo pa klere lannwit.

האמר לחרס ולא יזרח ובעד כוכבים יחתם׃

Li te pou kont li lè li t'ap louvri syèl la anwo tè a. Li mache sou lanmè a jan li vle.

נטה שמים לבדו ודורך על במתי ים׃

Se li ki fè zetwal yo: Gwo Kabwèt la, Oryon, Lapousiyè ak zetwal Sid yo.

עשה עש כסיל וכימה וחדרי תמן׃

Se li menm ki fè yon bann bèl bagay nou pa ka fin konprann, yon dal mèvèy nou pa ka fin konte.

עשה גדלות עד אין חקר ונפלאות עד אין מספר׃

Bondye te mèt ap pase toupre m', mwen pa ka wè l'. Li glise kò l', li ale.

הן יעבר עלי ולא אראה ויחלף ולא אבין לו׃

Li pran sa l' bezwen. Pa gen moun ki pou enpoze l' fè l'. Pa gen moun ki ka penmèt yo mande l': Sa w'ap fè la a?

הן יחתף מי ישיבנו מי יאמר אליו מה תעשה׃

Bondye pa ka kenbe kòlè l' ankò! Li fè tout patizan Raab yo bese tèt devan li.

אלוה לא ישיב אפו תחתו שחחו עזרי רהב׃

Se mwen menm atò ki pou ta kenbe tèt avè l'? Se mwen menm atò ki pou ta plede avè l'?

אף כי אנכי אעננו אבחרה דברי עמו׃

Menm si m' te gen rezon, sa m' bezwen defann tèt mwen fè? Se li k'ap jije m', se padon ase pou m' mande l'.

אשר אם צדקתי לא אענה למשפטי אתחנן׃

Menm si li ta reponn mwen lè m' rele l', mwen pa kwè li ta koute sa m'ap di l'.

אם קראתי ויענני לא אאמין כי יאזין קולי׃

Li rete konsa li kraze m' pou anyen. Li blese m' nan tout kò m', san m' pa fè anyen.

אשר בשערה ישופני והרבה פצעי חנם׃

Li pa ban m' tan pou m' pran yon ti souf menm. Li voye malè sou mwen yonn apre lòt.

לא יתנני השב רוחי כי ישבעני ממררים׃

Mwen ta seye fè fòs avè l'? Fòs, se nan men l' sa ye. Mwen ta rele l' tribinal? Ki jij ki va voye manda ba li?

אם לכח אמיץ הנה ואם למשפט מי יועידני׃

M' te mèt gen rezon, pawòl nan bouch mwen ap kondannen m'. M' te mèt inonsan, tou sa m'ap di ap ban m' tò.

אם אצדק פי ירשיעני תם אני ויעקשני׃

Eske m' inonsan? M' pa menm ka di sa. Lavi pa di m' anyen ankò!

תם אני לא אדע נפשי אמאס חיי׃

Si gen yon bagay m' ka di: inonsan ou koupab, se menm bagay. Bondye ap toujou detwi nou.

אחת היא על כן אמרתי תם ורשע הוא מכלה׃

Si yon malè konmanse ap simen lanmò, inonsan te mèt ap rele, Bondye ri sa.

אם שוט ימית פתאם למסת נקים ילעג׃

Lè yon peyi tonbe anba men moun ki mechan, Bondye bouche je tout jij yo. Si se pa li ki fè sa, ki moun ki pou fè l'?

ארץ נתנה ביד רשע פני שפטיה יכסה אם לא אפוא מי הוא׃

Jou yo pase pou mwen pi vit pase dlo larivyè. Pa gen yonn ki ban m' kè kontan.

וימי קלו מני רץ ברחו לא ראו טובה׃

Yo kouri tankou bwa fouye sou larivyè, tankou malfini k'ap plonje sou ti poul.

חלפו עם אניות אבה כנשר יטוש עלי אכל׃

Si mwen di: Bon. M' p'ap plenyen ankò. M'ap chanje figi m', m'ap fè yon ti ri,

אם אמרי אשכחה שיחי אעזבה פני ואבליגה׃

soufrans yo vin pi rèd sou mwen. Mwen pè, paske mwen konnen pou Bondye mwen pa inonsan.

יגרתי כל עצבתי ידעתי כי לא תנקני׃

Si m' antò, sa m' bezwen bat kò m' pou gremesi fè?

אנכי ארשע למה זה הבל איגע׃

Pa gen dlo ki ka lave m'. Pa gen savon ki ka blanchi m'.

אם התרחצתי במו שלג והזכותי בבר כפי׃

Bondye voye m' jete nan yon pil fatra. Ata rad m' pa ka mete sou mwen.

אז בשחת תטבלני ותעבוני שלמותי׃

Men, Bondye pa yon moun tankou m'. M' pa ka diskite avè l'. Nou pa ka al lajistis.

כי לא איש כמני אעננו נבוא יחדו במשפט׃

Pa gen moun ki ka mete ola nan koze a. Pa gen moun ki ka jije m' ansanm avè l'.

לא יש בינינו מוכיח ישת ידו על שנינו׃

Pa gen moun ki ka kenbe men l' pou li sispann fè m' pè.

יסר מעלי שבטו ואמתו אל תבעתני׃

Men, mwen pa pè l'. M'ap pale, paske se mwen ki konnen sa ki nan kè m'.

אדברה ולא איראנו כי לא כן אנכי עמדי׃