I Chronicles 23

David te fin vye granmoun, li te fin viv kont li, lè li mete Salomon, pitit li a, wa sou pèp Izrayèl la.

ודויד זקן ושבע ימים וימלך את שלמה בנו על ישראל׃

Li reyini tout chèf pèp Izrayèl yo, tout prèt yo ak tout moun Levi yo.

ויאסף את כל שרי ישראל והכהנים והלוים׃

Li fè konte tout moun Levi yo, depi sa ki gen trantan pou pi piti rive sou sa ki pi gran yo. Antou yo jwenn trantwimil (38.000) gason.

ויספרו הלוים מבן שלשים שנה ומעלה ויהי מספרם לגלגלתם לגברים שלשים ושמונה אלף׃

David mete vennkatmil (24.000) pou dirije travay tanp lan, simil (6000) pou ekri tou sa k'ap pase ak pou rann jistis,

מאלה לנצח על מלאכת בית יהוה עשרים וארבעה אלף ושטרים ושפטים ששת אלפים׃

katmil (4000) pou fè pòs nan pòtay la ak katmil (4000) pou fè lwanj Seyè a ak enstriman mizik David te fè fè pou sa.

וארבעת אלפים שערים וארבעת אלפים מהללים ליהוה בכלים אשר עשיתי להלל׃

David separe moun Levi yo fè twa gwoup dapre branch fanmi pitit gason Levi yo: Gèchon, Keyat ak Merari.

ויחלקם דויד מחלקות לבני לוי לגרשון קהת ומררי׃

Gèchon te gen de pitit gason: Layedan ak Chimèyi.

לגרשני לעדן ושמעי׃

Layedan te fè twa pitit gason: Yekiyèl, pi gran an, Zetam ak Joèl.

בני לעדן הראש יחיאל וזתם ויואל שלשה׃

Chimeyi te fè twa pitit gason tou: Chelomit, Aziyèl ak Aran. Se yo ki te chèf fanmi moun Layedan yo.

בני שמעי שלמות וחזיאל והרן שלשה אלה ראשי האבות ללעדן׃

Chimeyi te gen kat lòt pitit gason: Jaka, Ziza, Jeouch ak Berya.

ובני שמעי יחת זינא ויעוש ובריעה אלה בני שמעי ארבעה׃

Se Jaka ki te pi gran, Ziza te dezyèm pitit la. Jeouch ak Berya pa t' gen anpil pitit. Se konsa yo mete yo ansanm, yo pase pou yon sèl branch fanmi.

ויהי יחת הראש וזיזה השני ויעוש ובריעה לא הרבו בנים ויהיו לבית אב לפקדה אחת׃

Keyat te gen kat pitit: Amram, Jizeya, Ebwon ak Ouzyèl.

בני קהת עמרם יצהר חברון ועזיאל ארבעה׃

Amram te gen de pitit gason: Arawon ak Moyiz. Bondye te mete Arawon ak pitit li yo apa pou yo okipe pyès ki apa nèt pou Bondye a, pou boule lansan devan Seyè a, pou yo sèvi l', pou yo beni pèp la nan non li. Se te travay pa yo sa pou tout tan.

בני עמרם אהרן ומשה ויבדל אהרן להקדישו קדש קדשים הוא ובניו עד עולם להקטיר לפני יהוה לשרתו ולברך בשמו עד עולם׃

Moyiz te moun Bondye a menm. Pitit li yo te fè pati branch fanmi Levi a tou.

ומשה איש האלהים בניו יקראו על שבט הלוי׃

Moyiz te gen de pitit gason: Gèchòm ak Elyezè.

בני משה גרשם ואליעזר׃

Premye pitit Gèchòm lan te rele Chebwèl.

בני גרשום שבואל הראש׃

Elyezè li menm te gen Rekabya pou premye pitit. Li pa t' fè lòt pitit gason ankò. Men Rekabya te fè anpil pitit.

ויהיו בני אליעזר רחביה הראש ולא היה לאליעזר בנים אחרים ובני רחביה רבו למעלה׃

Premye pitit Jizeya a te rele Chelomit.

בני יצהר שלמית הראש׃

Men pitit Ebwon yo: Premye a te rele Jerija, dezyèm lan Amarya, twazyèm lan Jakazyèl, katriyèm lan Jekameam.

בני חברון יריהו הראש אמריה השני יחזיאל השלישי ויקמעם הרביעי׃

Men pitit Ouzyèl yo: Miche, premye a ak Jikija, dezyèm lan.

בני עזיאל מיכה הראש וישיה השני׃

Merari te gen de pitit gason: Makli ak Mouchi. Makli te gen de pitit gason: Eleaza ak Kich.

בני מררי מחלי ומושי בני מחלי אלעזר וקיש׃

Eleaza mouri san kite pitit gason. Pitit fi ase li te genyen. Yo marye ak kouzen yo, pitit gason Kich yo.

וימת אלעזר ולא היו לו בנים כי אם בנות וישאום בני קיש אחיהם׃

Mouchi te gen twa pitit gason: Makli, Edè ak Jerimòt.

בני מושי מחלי ועדר וירמות שלשה׃

Se tout moun nan ras Levi yo sa, dapre fanmi yo, ki te gen non yo kouche nan rejis tankou chèf fanmi. Yo chak te gen travay pa yo nan sèvis kay Seyè a, depi sa ki gen ventan pou pi piti rive sou pi gran yo.

אלה בני לוי לבית אבתיהם ראשי האבות לפקודיהם במספר שמות לגלגלתם עשה המלאכה לעבדת בית יהוה מבן עשרים שנה ומעלה׃

David te di: -Seyè a, Bondye pèp Izrayèl la, te fè pèp li a viv ak kè poze. Li menm, Seyè a, l'ap toujou rete lavil Jerizalèm.

כי אמר דויד הניח יהוה אלהי ישראל לעמו וישכן בירושלם עד לעולם׃

Konsa, moun Levi yo p'ap nan pote Tant Randevou Seyè a ankò ansanm ak tout bagay yo bezwen pou fè sèvis pou li ankò.

וגם ללוים אין לשאת את המשכן ואת כל כליו לעבדתו׃

Se konsa, dapre dènye pawòl sa yo David te di lè sa a, yo enskri tout moun Levi yo, depi sa ki gen ventan pou pi piti rive sou pi gran yo.

כי בדברי דויד האחרנים המה מספר בני לוי מבן עשרים שנה ולמעלה׃

Travay yo se ede prèt yo, pitit Arawon yo, nan sèvis y'ap fè nan Tanp Seyè a. Se yo ki pou okipe lakou yo ak tout pyès nan Tanp lan. Se yo ki pou veye pou tout bagay rete nan kondisyon pou fè sèvis Bondye a. Se yo ki reskonsab tout lòt sèvis nan Tanp lan.

כי מעמדם ליד בני אהרן לעבדת בית יהוה על החצרות ועל הלשכות ועל טהרת לכל קדש ומעשה עבדת בית האלהים׃

Yo te reskonsab pen yo te ofri bay Bondye yo, farin frans yo sèvi pou fè ofrann yo, pen san ledven yo, ofrann farin melanje ak lwil yo. Se yo ki te reskonsab peze ak mezire ofrann nan Tanp lan.

וללחם המערכת ולסלת למנחה ולרקיקי המצות ולמחבת ולמרבכת ולכל משורה ומדה׃

Lèfini, se pou yo la nan Tanp lan chak jou, nan maten ak nan aswè, pou di Bondye mèsi, pou fè lwanj pou li.

ולעמד בבקר בבקר להדות ולהלל ליהוה וכן לערב׃

Se pou yo la tou lè y'ap fè ofrann pou yo boule nèt pou Seyè a jou repo yo, premye jou chak mwa yo, ak pou lòt jou fèt yo. Te gen regleman ki te bay travay moun Levi yo gen pou fè ak kantite moun ki pou fè chak travay. Se te reskonsablite yo pou yo te toujou ap sèvi Seyè a.

ולכל העלות עלות ליהוה לשבתות לחדשים ולמעדים במספר כמשפט עליהם תמיד לפני יהוה׃

Se yo menm tou ki te reskonsab okipe Tant Randevou a, ak kote yo mete apa pou Seyè a, ak prèt yo, fanmi yo ki soti nan branch fanmi Arawon an, lè y'ap sèvi nan Tanp lan.

ושמרו את משמרת אהל מועד ואת משמרת הקדש ומשמרת בני אהרן אחיהם לעבדת בית יהוה׃