Matthew 26

Lè Jezi fin di tout pawòl sa yo, li di disip li yo:

耶稣说完了这一切的话，就对门徒说：

Nou konnen, nan de jou jwif yo pral fete fèt Delivrans lan. Yo pral lage Moun Bondye voye nan lachè a nan men moun ki pou kloure l' sou kwa a.

你们知道，过两天是逾越节，人子将要被交给人，钉在十字架上。

Lè sa a, chèf prèt yo ansanm ak chèf fanmi yo ki t'ap dirije pèp la reyini nan palè granprèt yo te rele Kayif la.

那时，祭司长和民间的长老聚集在大祭司称为该亚法的院里。

Mesye yo mete tèt yo ansanm pou fè plan pou yo te ka arete Jezi pou yo fè touye li.

大家商议要用诡计拿住耶稣，杀他，

Yonn t'ap di lòt: Nou pa kapab arete l' pandan fèt la pou sa pa eksite pèp la fè dezòd.

只是说：当节的日子不可，恐怕民间生乱。

Antan Jezi te Betani lakay Simon, nonm ki te gen maladi lalèp la,

耶稣在伯大尼长大痲疯的西门家里，

yon fanm pwoche kote li. Li t'ap pote yon ti boutèy fèt an albat plen ak yon odè ki te koute byen chè. Pandan Jezi te chita bò tab la, fanm lan vide tout odè a sou tèt li.

有一个女人拿著一玉瓶极贵的香膏来，趁耶稣坐席的时候，浇在他的头上。

Lè disip yo wè sa, yo pa t' kontan menm. Yo di: Pouki tout gaspiyaj sa a?

门徒看见就很不喜悦，说：何用这样的枉费呢！

Yo ta kapab vann odè a byen chè, yo ta bay pòv lajan an.

这香膏可以卖许多钱，赒济穷人。

Jezi vin konnen sa yo t'ap di, li di yo konsa: Poukisa n'ap fè fanm lan tout lapenn sa a? Se yon bèl bagay li fè la a wi pou mwen.

耶稣看出他们的意思，就说：为什么难为这女人呢？他在我身上做的是一件美事。

Paske, pòv yo, n'ap toujou genyen yo avèk nou. Men, mwen menm, nou p'ap genyen m' pou tout tan.

因为常有穷人和你们同在；只是你们不常有我。

Lè li vide odè sa a sou kò mwen, li tou benyen m' pou lantèman mwen.

她将这香膏浇在我身上是为我安葬做的。

Sa m'ap di nou la a, se vre wi: Toupatou sou latè, kote y'a anonse bon nouvèl sa a, y'a rakonte tou sa fanm sa a te fè pou yo pa janm bliye li.

我实在告诉你们，普天之下，无论在什么地方传这福音，也要述说这女人所行的，作个纪念。

Lè sa a, yonn nan douz disip yo, nonm yo rele Jida Iskariòt la, al jwenn chèf prèt yo.

当下，十二门徒里有一个称为加略人犹大的，去见祭司长，

Li di yo: Kisa n'a ban mwen si m' fè nou pran Jezi? Yo konte trant pyès lajan ba li.

说：我把他交给你们，你们愿意给我多少钱？他们就给了他三十块钱。

Depi lè sa a, Jida t'ap chache yon bon okazyon pou l' te ba yo Jezi.

从那时候，他就找机会要把耶稣交给他们。

Premye jou fèt pen san ledven yo, disip yo pwoche bò kote Jezi, yo di li: Ki bò ou ta vle nou pare manje Delivrans lan pou ou?

除酵节的第一天，门徒来问耶稣说：你吃逾越节的筵席，要我们在那里给你预备？

Li reponn yo: Ale lavil la, kay entèl. n'a di l' konsa: Mèt la voye di ou: Lè pa l' la rive, se lakay ou l'ap fete Delivrans lan ansanm ak disip li yo.

耶稣说：你们进城去，到某人那里，对他说：夫子说：我的时候快到了，我与门徒要在你家里守逾越节。

Disip yo fè sa Jezi te bay yo lòd fè a, yo pare manje Delivrans lan.

门徒遵著耶稣所吩咐的就去预备了逾越节的筵席。

Lè solèy fin kouche, Jezi chita bò tab la ak douz disip li yo.

到了晚上，耶稣和十二个门徒坐席。

Antan yo t'ap manje, Jezi di yo: Sa m'ap di nou la a, se vre wi: yonn nan nou pral trayi mwen.

正吃的时候，耶稣说：我实在告诉你们，你们中间有一个人要卖我了。

Sa te fè disip yo lapenn anpil. Yonn apre lòt yo pran mande li: Eske se mwen menm, Mèt?

他们就甚忧愁，一个一个的问他说：主，是我吗？

Li reponn yo: Moun ki tranpe pen l' ansanm avè m' nan plat la, se li menm ki pral trayi mwen.

耶稣回答说：同我蘸手在盘子里的，就是他要卖我。

Moun Bondye voye nan lachè a prale, jan sa te ekri sou li a. Men, malè pou moun k'ap trayi l' la. Li ta pi bon pou moun sa a si li pa t' janm fèt.

人子必要去世，正如经上指著他所写的；但卖人子的人有祸了！那人不生在世上倒好。

Jida ki tapral trayi l' la pran lapawòl, li di: Mèt, èske se mwen menm? Jezi reponn li: Se ou ki di li.

卖耶稣的犹大问他说：拉比，是我吗？耶稣说：你说的是。

Antan yo t'ap manje, Jezi pran pen, li di Bondye mèsi, li kase l', li bay disip yo, li di: Pran, manje. Sa se kò mwen.

他们吃的时候，耶稣拿起饼来，祝福，就擘开，递给门徒，说：你们拿著吃，这是我的身体；

Apre sa, li pran yon gode diven, li di Bondye mèsi, li pase l' ba yo, li di: Se pou nou tout nou bwè ladan li.

又拿起杯来，祝谢了，递给他们，说：你们都喝这个；

Paske, sa se san mwen, san ki siyen kontra Bondye fè a, san ki koule pou anpil moun jwenn padon pou peche yo.

因为这是我立约的血，为多人流出来，使罪得赦。

M'ap di nou sa: Depi jòdi a, mwen p'ap janm bwè diven ankò jouk jou m'a bwè yon lòt diven ansanm ak nou nan peyi kote Papa m' wa a.

但我告诉你们，从今以后，我不再喝这葡萄汁，直到我在我父的国里同你们喝新的那日子。

Apre yo fin chante kantik espesyal pou fèt la, yo soti, y ale sou mòn Oliv la.

他们唱了诗，就出来往橄榄山去。

Lè sa a, Jezi di disip li yo: Aswè a menm, nou tout nou pral kouri kite m' pou kont mwen. Paske, men sa ki ekri nan Liv la: M'ap frape gadò mouton yo, epi tout bann mouton yo pral gaye nan bwa.

那时，耶稣对他们说：今夜，你们为我的缘故都要跌倒。因为经上记著说：我要击打牧人，羊就分散了。

Men, apre sa, lè m'a leve soti vivan nan lanmò, mwen pral tann nou nan peyi Galile.

但我复活以后，要在你们以先往加利利去。

Pyè pran lapawòl, li di li: Menm si tout moun ta kouri kite ou pou kont ou, mwen menm, mwen p'ap janm kite ou.

彼得说：众人虽然为你的缘故跌倒，我却永不跌倒。

Jezi di li: Sa m'ap di ou la a, se vre wi: aswè a menm, anvan kòk chante, ou va gen tan di twa fwa ou pa janm konnen mwen.

耶稣说：我实在告诉你，今夜鸡叫以先，你要三次不认我。

Pyè reponn li: Menm si m' ta dwe mouri avè ou, mwen p'ap janm di mwen pa konnen ou. Tout lòt disip yo t'ap di menm bagay la tou.

彼得说：我就是必须和你同死，也总不能不认你。众门徒都是这样说。

Apre sa, Jezi ale ak disip yo yon kote yo rele Jetsemane. Li di yo: Chita la. Mwen menm, mwen pral lapriyè pi lwen.

耶稣同门徒来到一个地方，名叫客西马尼，就对他们说：你们坐在这里，等我到那边去祷告。

Li pran Pyè ansanm ak de pitit Zebede yo avèk li. Lè sa a, li santi yon lapenn ak yon kè sere ki pran li.

于是带著彼得和西庇太的两个儿子同去，就忧愁起来，极其难过，

Li di yo: Mwen gen lapenn anpil. Mwen santi se mouri m'ap mouri. Rete la avèk mwen, pa kite dòmi pran nou.

便对他们说：我心里甚是忧伤，几乎要死；你们在这里等候，和我一同儆醒。

li al yon ti kras pi lwen, li lage kò l' fas atè, li lapriyè konsa: O Papa mwen. Si sa te ka fèt, wete gode soufrans sa a devan je mwen. Men, se sa ou vle a ki pou fèt, pa sa mwen vle a.

他就稍往前走，俯伏在地，祷告说：我父啊，倘若可行，求你叫这杯离开我。然而，不要照我的意思，只要照你的意思。

Jezi tounen bò kote twa disip yo, li jwenn yo ap dòmi. Li di Pyè konsa: Kouman? Nou pa t' kapab rete je klè yon ti kadè avèk mwen!

来到门徒那里，见他们睡著了，就对彼得说：怎么样？你们不能同我儆醒片时么？

Pa kite dòmi pran nou, tande. Lapriyè pou nou pa tonbe anba tantasyon. Lespri nou byen dispoze, men kò nou fèb.

总要儆醒祷告，免得入了迷惑。你们心灵固然愿意，肉体却软弱了。

Li kite yo, li ale yon dezyèm fwa. Li lapriyè konsa: O Papa m', si se pou m' bwè gode soufrans sa a anvan pou ou wete l' devan je m', ou mèt fè l' jan ou vle a.

第二次又去祷告说：我父啊，这杯若不能离开我，必要我喝，就愿你的意旨成全。

Li tounen, li jwenn disip yo ap dòmi ankò, paske dòmi t'ap kale yo.

又来，见他们睡著了，因为他们的眼睛困倦。

Li kite yo, li ale, li lapriyè yon twazyèm fwa. Li t'ap repete menm pawòl yo.

耶稣又离开他们去了。第三次祷告，说的话还是与先前一样。

Apre sa, li tounen bò kote disip li yo, li di: N'ap dòmi toujou? N'ap poze kò nou? Epi gade, men lè a rive, yo pral lage m', mwen menm Moun Bondye voye nan lachè a, nan men mechan yo.

于是来到门徒那里，对他们说：现在你们仍然睡觉安歇吧（吧：或作吗？）！时候到了，人子被卖在罪人手里了。

Leve non, ann ale. Men moun k'ap trayi m' lan ap vini.

起来！我们走吧。看哪，卖我的人近了。

Jezi t'ap pale toujou lè Jida, yonn nan douz disip yo, vin rive. Li te gen avèk li yon bann moun ki te gen nepe ak baton nan men yo avèk li. Se chèf prèt yo ak chèf fanmi k'ap dirije pèp la ki te voye yo avèk li.

说话之间，那十二个门徒里的犹大来了，并有许多人带著刀棒，从祭司长和民间的长老那里与他同来。

Nonm ki t'ap trayi Jezi a te ba yo yon siyal. Li te di yo: Moun n'a wè mwen bo a, se li menm n'ap chache a. Mete men sou li.

那卖耶稣的给了他们一个暗号，说：我与谁亲嘴，谁就是他。你们可以拿住他。

Rive Jida rive, li pwoche bò kote Jezi, li di li: Bonswa, Mèt. Epi l' bo Jezi.

犹大随即到耶稣跟前，说：请拉比安，就与他亲嘴。

Jezi di li: Zanmi, sa ou te vin pou fè a, fè li. Lè sa a, lòt moun yo pwoche, yo mete men sou Jezi, yo arete li.

耶稣对他说：朋友，你来要做的事，就做吧。于是那些人上前，下手拿住耶稣。

Yonn nan mesye ki te avèk Jezi yo rale nepe l', li frape domestik granprèt la, li koupe yon zòrèy li.

有跟随耶稣的一个人伸手拔出刀来，将大祭司的仆人砍了一刀，削掉了他一个耳朵。

Jezi di l' konsa: Mete nepe ou nan fouwo l'; paske tout moun ki sèvi ak nepe, se nepe k'ap touye yo tou.

耶稣对他说：收刀入鞘吧！凡动刀的，必死在刀下。

Ou pa konnen mwen ta ka rele Papa m' vin ede mwen. Menm lè a, li ta voye depase douz lame zanj ban mwen.

你想，我不能求我父现在为我差遣十二营多天使来吗？

Men lè sa a, ki jan sa ki ekri nan Liv la ta ka rive vre? Paske Liv la di: Se konsa pou sa pase.

若是这样，经上所说，事情必须如此的话怎么应验呢？

Apre sa, Jezi di foul moun yo: Nou vin dèyè m' ak nepe ak baton tankou si m' te yon ansasen. Toulejou mwen te chita la nan tanp lan, ap moutre moun yo anpil bagay, nou pa t' janm arete mwen.

当时，耶稣对众人说：你们带著刀棒出来拿我，如同拿强盗吗？我天天坐在殿里教训人，你们并没有拿我。

Men, tou sa rive pou sa ki ekri nan liv pwofèt yo ka rive vre. Lè sa a, tout disip yo kite l', yo pran kouri.

但这一切的事成就了，为要应验先知书上的话。当下，门徒都离开他逃走了。

Moun ki te arete Jezi yo mennen l' kay Kayif, granprèt la. Se la tout dirèktè lalwa yo ansanm ak chèf fanmi yo te reyini.

拿耶稣的人把他带到大祭司该亚法那里去；文士和长老已经在那里聚会。

Pyè t'ap swiv Jezi yon ti jan lwen lwen, jouk yo rive nan lakou kay granprèt la. Li antre nan lakou a tou, li chita ak gad yo pou l' wè kouman sa t'apral fini.

彼得远远的跟著耶稣，直到大祭司的院子，进到里面，就和差役同坐，要看这事到底怎样。

Chèf prèt yo ak tout manm Gran Konsèy jwif yo t'ap chache yon manti pou yo te fè sou Jezi, pou yo te ka kondannen l' amò.

祭司长和全公会寻找假见证控告耶稣，要治死他。

Men, yo pa t' kapab jwenn anyen malgre anpil moun te vin fè anpil manti sou li.

虽有好些人来作假见证，总得不著实据。末后有两个人前来，说：

Bout pou bout, de moun parèt. Yo di: Nonm sa a di: Mwen kapab kraze tanp Bondye a, epi nan twa jou m'a rebati l' ban nou.

这个人曾说：我能拆毁　神的殿，三日内又建造起来。

Granprèt la leve, li di Jezi: Ou pa reponn anyen? Kisa mesye yo ap di sou ou konsa?

大祭司就站起来，对耶稣说：你什么都不回答么？这些人作见证告你的是什么呢？

Jezi pa louvri bouch li. Granprèt la di l' ankò: Nan non Bondye vivan an, m'ap mande ou pou di nou verite a: Eske se ou ki Kris la, Pitit Bondye a?

耶稣却不言语。大祭司对他说：我指著永生　神叫你起誓告诉我们，你是　神的儿子基督不是？

Jezi reponn li: Se ou ki di li. Men, m'ap di nou sa, depi jòdi a n'a wè m', mwen menm, Moun Bondye voye nan lachè a, chita sou bò dwat Bondye ki gen pouvwa a, n'a wè m' ap vini sou nwaj yo nan syèl la.

耶稣对他说：你说的是。然而，我告诉你们，后来你们要看见人子坐在那权能者的右边，驾著天上的云降临。

Lè sa a, granprèt la chire rad ki te sou li a, li di: L'ap pale mal sou Bondye. Sa nou bezwen lòt temwen fè: Nou fèk tande ak zòrèy nou jan l' pale mal sou Bondye.

大祭司就撕开衣服，说：他说了僭妄的话，我们何必再用见证人呢？这僭妄的话，现在你们都听见了。

Kisa nou di nan sa? Yo reponn: Li antò, se pou yo touye li.

你们的意见如何？他们回答说：他是该死的。

Lè sa a, yo pran krache nan figi l', yo tonbe ba l' kout pwen. Gen ladan yo ki ba l' souflèt.

他们就吐唾沫在他脸上，用拳头打他；也有用手掌打他的，说：

Yo di li: Kris, si ou konnen, di nou non! Di nou ki moun k'ap frape ou konsa.

基督啊！你是先知，告诉我们打你的是谁？

Pyè menm te chita deyò nan lakou a. Yon sèvant pwoche bò kote l', li di li konsa: Ou menm tou, ou te avèk Jezi, nonm Galile a.

彼得在外面院子里坐著，有一个使女前来，说：你素来也是同那加利利人耶稣一伙的。

Men, Pyè demanti l' devan tout moun, li di: Mwen pa konnen sa w'ap di la a.

彼得在众人面前却不承认，说：我不知道你说的是什么！

Apre sa, Pyè leve, li ale bò pòtay lakou a. La, yon lòt sèvant wè li. Li di moun ki te la yo: Nonm sa a te avèk Jezi, nonm Nazarèt la.

既出去，到了门口，又有一个使女看见他，就对那里的人说：这个人也是同拿撒勒人耶稣一伙的。

Pyè demanti l' tou, li di: M'ap fè sèman, mwen pa konnen nonm sa a.

彼得又不承认，并且起誓说：我不认得那个人。

Yon ti kadè apre, moun ki te la yo pwoche, yo di Pyè konsa: Se vre wi, monchè. Ou fè pati moun sa yo tou. Jan ou pale a fè nou rekonèt ou.

过了不多的时候，旁边站著的人前来，对彼得说：你真是他们一党的，你的口音把你露出来了。

Lè sa a, Pyè pran fè sèman, li di yo: Mwen mande Bondye pou nenpòt bagay rive m' si m' manti: Mwen di nou non, mwen pa konnen nonm sa a. Menm lè a, kòk chante.

彼得就发咒起誓的说：我不认得那个人。立时，鸡就叫了。

Latou, Pyè vin chonje pawòl Jezi te di l' la: Anvan kòk chante, ou va gen tan di twa fwa ou pa janm konnen mwen. Pyè soti, li tonbe kriye jouk li pa t' kapab ankò.

彼得想起耶稣所说的话：鸡叫以先，你要三次不认我。他就出去痛哭。