Proverbs 20

Le vin est moqueur, les boissons fortes sont tumultueuses; Quiconque en fait excès n'est pas sage.

Mpaniratsira ny divay, ary mpitabataba ny toaka, Koa izay miraikiraiky azon'izany dia tsy hendry.

La terreur qu'inspire le roi est comme le rugissement d'un lion; Celui qui l'irrite pèche contre lui-même.

Ny fampitahoran'ny mpanjaka dia toy ny fieron'ny liona tanora; Izay mampahatezitra azy dia mankahà-doza hihatra amin'ny ainy,

C'est une gloire pour l'homme de s'abstenir des querelles, Mais tout insensé se livre à l'emportement.

Voninahitry ny olona ny hanalavitra ny ady; Fa ny adala rehetra kosa misafoaka.

A cause du froid, le paresseux ne laboure pas; A la moisson, il voudrait récolter, mais il n'y a rien.

Ny malaina tsy mety miasa amin'ny ririnina, Ka dia hangataka izy raha fararano, fa tsy hahazo.

Les desseins dans le coeur de l'homme sont des eaux profondes, Mais l'homme intelligent sait y puiser.

Rano lalina ny hevitra ao am-pon'ny olona; Fa izay manan-tsaina dia mahay manovo azy ihany,

Beaucoup de gens proclament leur bonté; Mais un homme fidèle, qui le trouvera?

Maro ny olona samy midera ny soa ataon'ny tenany avy; Fa izay olo-mahatoky, iza moa no mahita azy?

Le juste marche dans son intégrité; Heureux ses enfants après lui!

Izay olona marina mandeha amin'ny fahitsiany Sambatra ny zanany mandimby azy.

Le roi assis sur le trône de la justice Dissipe tout mal par son regard.

Mipetraka eo amin'ny seza fitsarana ny mpanjaka, Ka mikororoka manaisotra ny ratsy rehetra ny masony.

Qui dira: J'ai purifié mon coeur, Je suis net de mon péché?

Iza no mahazo manao hoe: Efa nahadio ny foko aho Ka madio tsy manana ota?

Deux sortes de poids, deux sortes d'épha, Sont l'un et l'autre en abomination à l'Eternel.

Ny vato mizana samy hafa sy ny vata famarana samy hafa Dia samy fahavetavetana eo imason'i Jehovah.

L'enfant laisse déjà voir par ses actions Si sa conduite sera pure et droite.

Na dia ny zaza aza dia mampiseho amin'ny fanaony Na madio sy mahitsy ny fitondran-tenany.

L'oreille qui entend, et l'oeil qui voit, C'est l'Eternel qui les a faits l'un et l'autre.

Ny sofina mandre sy ny maso mahita Dia samy nataon'i Jehovah avokoa.

N'aime pas le sommeil, de peur que tu ne deviennes pauvre; Ouvre les yeux, tu seras rassasié de pain.

Aza tia torimaso ianao, fandrao tonga malahelo; Ahirato ny masonao, dia ho voky hanina ianao.

Mauvais! mauvais! dit l'acheteur; Et en s'en allant, il se félicite.

Ratsy! ratsy! hoy ny mpividy; Kanjo nony lasa izy, dia mandoka tena.

Il y a de l'or et beaucoup de perles; Mais les lèvres savantes sont un objet précieux.

Ao ihany ny volamena sy ny voahangy betsaka; Fa ny molotra misy fahalalana no ravaka soa.

Prends son vêtement, car il a cautionné autrui; Exige de lui des gages, à cause des étrangers.

Alao ny lambany, fa efa niantoka olon-kafa izy, Ary tano ho solon'ny vahiny niantohany.

Le pain du mensonge est doux à l'homme, Et plus tard sa bouche est remplie de gravier.

Mamin'ny olona ny hanina azo amin'ny fitaka; Kanjo ho feno fasika ny vavany any am-parany.

Les projets s'affermissent par le conseil; Fais la guerre avec prudence.

Ny hevitra rehetra dia aorin'ny fisainana, Ary ny fahaizana mandamina tsara no entonao miady.

Celui qui répand la calomnie dévoile les secrets; Ne te mêle pas avec celui qui ouvre ses lèvres.

Izay mandehandeha manaratsy dia manambara ny hevitra afenina, Koa aza miraharaha amin'izay mibedibedy foana.

Si quelqu'un maudit son père et sa mère, Sa lampe s'éteindra au milieu des ténèbres.

Izay manozona ny rainy na ny reniny, Dia ho faty ao amin'ny alim-pito ny jirony.

Un héritage promptement acquis dès l'origine Ne sera pas béni quand viendra la fin.

Ny harena malaky azo foana eo am-boalohany Dia tsy hotahina any am-parany.

Ne dis pas: Je rendrai le mal. Espère en l'Eternel, et il te délivrera.

Aza manao hoe: Hamaly ny ratsy nataony aho; Fa andraso Jehovah, fa Izy no hamonjy anao.

L'Eternel a en horreur deux sortes de poids, Et la balance fausse n'est pas une chose bonne.

Fahavetavetana eo imason'i Jehovah ny vato samy hafa, Ary ny mizana mandainga dia tsy tsara.

C'est l'Eternel qui dirige les pas de l'homme, Mais l'homme peut-il comprendre sa voie?

Avy amin'i Jehovah ny dian'ny olona, Ary hataon'izay olombelona ahoana no hahafantatra ny lalany?

C'est un piège pour l'homme que de prendre à la légère un engagement sacré, Et de ne réfléchir qu'après avoir fait un voeu.

Fandrika amin'ny olona ny malaky manao hoe: Zavatra masina ity; Ka nony vita ny voady, vao mamototra.

Un roi sage dissipe les méchants, Et fait passer sur eux la roue.

Ny mpanjaka hendry mikororoka manaisotra ny ratsy fanahy Sady mitarika ny kodia fivelezana eo amboniny.

Le souffle de l'homme est une lampe de l'Eternel; Il pénètre jusqu'au fond des entrailles.

Jiron'i Jehovah ny fanahin'ny olona, Itsilovana ny efitrefitra rehetra ao am-po.

La bonté et la fidélité gardent le roi, Et il soutient son trône par la bonté.

Famindram-po sy fahamarinana no miaro ny mpanjaka, Ary ampitoeriny amin'ny famindram-po ny seza fiandrianany.

La force est la gloire des jeunes gens, Et les cheveux blancs sont l'ornement des vieillards.

Voninahitry ny zatovo ny fahatanjahany, Ary ravaky ny anti-panahy ny volo fotsy.

Les plaies d'une blessure sont un remède pour le méchant; De même les coups qui pénètrent jusqu'au fond des entrailles.

Ny fampangirifiriana dia mahafaka ny faharatsiana, Ary ny kapoka mahadio ny efitrefitra ao an-kibo.