Psalms 140

Liberigu min, ho Eternulo, de malbona homo, Gardu min kontraŭ perfortulo;

למנצח מזמור לדוד חלצני יהוה מאדם רע מאיש חמסים תנצרני׃

Kontraŭ tiuj, kiuj elpensas malbonon en la koro, Ĉiutage kaŭzas militojn;

אשר חשבו רעות בלב כל יום יגורו מלחמות׃

Kiuj akrigas sian langon, kiel serpento; Veneno de vipuro estas sub iliaj lipoj. Sela.

שננו לשונם כמו נחש חמת עכשוב תחת שפתימו סלה׃

Gardu min, ho Eternulo, kontraŭ la manoj de malvirtuloj, Gardu min kontraŭ perfortuloj, Kiuj intencas renversi miajn paŝojn.

שמרני יהוה מידי רשע מאיש חמסים תנצרני אשר חשבו לדחות פעמי׃

Fieruloj kaŝis kaptilon por mi kaj ŝnurojn, Ili etendis reton ĉe la vojo, implikilon ili metis por mi. Sela.

טמנו גאים פח לי וחבלים פרשו רשת ליד מעגל מקשים שתו לי סלה׃

Mi diris al la Eternulo: Vi estas mia Dio; Atentu, ho Eternulo, la voĉon de mia petego.

אמרתי ליהוה אלי אתה האזינה יהוה קול תחנוני׃

Ho Eternulo, mia Sinjoro, forto de mia savo, Vi ŝirmas mian kapon en la tago de batalo.

יהוה אדני עז ישועתי סכתה לראשי ביום נשק׃

Ne donu, ho Eternulo, al malvirtulo lian dezirataĵon, Lian intencon ne efektivigu, ke ili ne fieriĝu. Sela.

אל תתן יהוה מאויי רשע זממו אל תפק ירומו סלה׃

La veneno de miaj ĉirkaŭantoj, La malicaĵo de iliaj lipoj kovru ilin.

ראש מסבי עמל שפתימו יכסומו׃

Falu sur ilin brulantaj karboj; Ili ĵetiĝu en fajron, En abismojn, ke ili ne leviĝu.

ימיטו עליהם גחלים באש יפלם במהמרות בל יקומו׃

Kalumnianto ne staros forte sur la tero; Perfortulon la malbono entiros en pereon.

איש לשון בל יכון בארץ איש חמס רע יצודנו למדחפת׃

Mi scias, ke la Eternulo defendos la aferon de mizerulo, La rajton de malriĉuloj.

ידעת כי יעשה יהוה דין עני משפט אבינים׃

Kaj virtuloj ja gloros Vian nomon; Piuloj restos antaŭ Via vizaĝo.

אך צדיקים יודו לשמך ישבו ישרים את פניך׃