Proverbs 5

5:1

Mia filo! atentu mian saĝon; Al mia prudento klinu vian orelon,

בני לחכמתי הקשיבה לתבונתי הט אזנך׃

5:2

Por ke vi konservu prudenton Kaj via buŝo tenu scion.

לשמר מזמות ודעת שפתיך ינצרו׃

5:3

Ĉar la buŝo de malĉastulino elverŝas mielon, Kaj ŝia gorĝo estas pli glata ol oleo.

כי נפת תטפנה שפתי זרה וחלק משמן חכה׃

5:4

Sed ŝia sekvaĵo estas maldolĉa kiel absinto, Akra kiel ambaŭtranĉa glavo.

ואחריתה מרה כלענה חדה כחרב פיות׃

5:5

Ŝiaj piedoj iras malsupren al la morto; Ŝiaj paŝoj atingas Ŝeolon.

רגליה ירדות מות שאול צעדיה יתמכו׃

5:6

Ŝi ne iras rekte laŭ la vojo de vivo; Ŝiaj paŝoj ŝanceliĝas, sed tion ŝi ne scias.

ארח חיים פן תפלס נעו מעגלתיה לא תדע׃

5:7

Kaj nun, infanoj, aŭskultu min, Kaj ne forkliniĝu de la vortoj de mia buŝo.

ועתה בנים שמעו לי ואל תסורו מאמרי פי׃

5:8

Malproksimigu de ŝi vian vojon, Kaj ne proksimiĝu al la pordo de ŝia domo,

הרחק מעליה דרכך ואל תקרב אל פתח ביתה׃

5:9

Por ke vi ne fordonu al aliaj vian honoron Kaj viajn jarojn al la kruelulo,

פן תתן לאחרים הודך ושנתיך לאכזרי׃

5:10

Por ke fremduloj ne satiĝu de via havo, Kaj viaj laboroj ne estu en fremda domo,

פן ישבעו זרים כחך ועצביך בבית נכרי׃

5:11

Ĝis vi ĝemos en la fino, Kiam konsumiĝos via karno kaj via korpo,

ונהמת באחריתך בכלות בשרך ושארך׃

5:12

Kaj vi diros: Ho, kiel mi malamis instruon, Kaj mia koro malŝatis moraligon!

ואמרת איך שנאתי מוסר ותוכחת נאץ לבי׃

5:13

Kaj mi ne aŭskultis la voĉon de miaj instruantoj, Kaj mi ne klinis mian orelon al miaj lernigantoj.

ולא שמעתי בקול מורי ולמלמדי לא הטיתי אזני׃

5:14

Mi estis preskaŭ en ĉia malbono Meze de kunveno kaj societo.

כמעט הייתי בכל רע בתוך קהל ועדה׃

5:15

Trinku akvon el via cisterno, Kaj fluantan el via puto.

שתה מים מבורך ונזלים מתוך בארך׃

5:16

Viaj fontoj disfluu eksteren, Akvaj torentoj en la stratojn.

יפוצו מעינתיך חוצה ברחבות פלגי מים׃

5:17

Ili apartenu al vi sola, Sed ne al aliaj kun vi.

יהיו לך לבדך ואין לזרים אתך׃

5:18

Via fonto estu benata; Kaj havu ĝojon de la edzino de via juneco.

יהי מקורך ברוך ושמח מאשת נעורך׃

5:19

Ŝi estas ĉarma kiel cervino, Kaj aminda kiel ibeksino; Ŝiaj karesoj ĝuigu vin en ĉiu tempo, Ŝia amo ĉiam donu al vi plezuron.

אילת אהבים ויעלת חן דדיה ירוך בכל עת באהבתה תשגה תמיד׃

5:20

Kaj kial, mia filo, vi volas serĉi al vi plezuron ĉe fremda virino Kaj enbrakigi ne apartenantan al vi?

ולמה תשגה בני בזרה ותחבק חק נכריה׃

5:21

Ĉar antaŭ la okuloj de la Eternulo estas la vojoj de homo, Kaj ĉiujn liajn irojn Li pripensas.

כי נכח עיני יהוה דרכי איש וכל מעגלתיו מפלס׃

5:22

Liaj propraj malbonfaroj enkaptos la malpiulon, Kaj la ŝnuroj de lia peko lin tenos.

עוונותיו ילכדנו את הרשע ובחבלי חטאתו יתמך׃

5:23

Li mortos pro manko de eduko; Kaj la multo de lia senprudenteco lin devojigos.

הוא ימות באין מוסר וברב אולתו ישגה׃