Leviticus 18

Kaj la Eternulo ekparolis al Moseo, dirante:

וידבר יהוה אל משה לאמר׃

Parolu al la Izraelidoj, kaj diru al ili: Mi estas la Eternulo, via Dio.

דבר אל בני ישראל ואמרת אלהם אני יהוה אלהיכם׃

Laŭ la agoj de la lando Egipta, en kiu vi loĝis, ne agu; kaj laŭ la agoj de la lando Kanaana, en kiun Mi venigas vin, ne agu; laŭ iliaj leĝoj ne kondutu.

כמעשה ארץ מצרים אשר ישבתם בה לא תעשו וכמעשה ארץ כנען אשר אני מביא אתכם שמה לא תעשו ובחקתיהם לא תלכו׃

Miajn decidojn plenumu kaj Miajn leĝojn observu, por konduti laŭ ili: Mi estas la Eternulo, via Dio.

את משפטי תעשו ואת חקתי תשמרו ללכת בהם אני יהוה אלהיכם׃

Kaj observu Miajn leĝojn kaj Miajn decidojn, kiujn plenumante, la homo vivas per ili: Mi estas la Eternulo.

ושמרתם את חקתי ואת משפטי אשר יעשה אתם האדם וחי בהם אני יהוה׃

Neniu alproksimiĝu al iu sia korpoparencino, por malkovri nudecon: Mi estas la Eternulo.

איש איש אל כל שאר בשרו לא תקרבו לגלות ערוה אני יהוה׃

La nudecon de via patro kaj la nudecon de via patrino ne malkovru: ŝi estas via patrino, ne malkovru ŝian nudecon.

ערות אביך וערות אמך לא תגלה אמך הוא לא תגלה ערותה׃

La nudecon de via patredzino ne malkovru: ĝi estas la nudeco de via patro.

ערות אשת אביך לא תגלה ערות אביך הוא׃

La nudecon de via fratino, filino de via patro aŭ filino de via patrino, ĉu ŝi naskiĝis en la domo, ĉu ŝi naskiĝis ekstere, ne malkovru ilian nudecon.

ערות אחותך בת אביך או בת אמך מולדת בית או מולדת חוץ לא תגלה ערותן׃

La nudecon de filino de via filo aŭ de filino de via filino, ne malkovru ilian nudecon; ĉar tio estas via nudeco.

ערות בת בנך או בת בתך לא תגלה ערותן כי ערותך הנה׃

La nudecon de filino de via patredzino, kiu naskiĝis de via patro, ŝi estas via fratino, ne malkovru ŝian nudecon.

ערות בת אשת אביך מולדת אביך אחותך הוא לא תגלה ערותה׃

La nudecon de fratino de via patro ne malkovru: ŝi estas korpoparencino de via patro.

ערות אחות אביך לא תגלה שאר אביך הוא׃

La nudecon de fratino de via patrino ne malkovru; ĉar ŝi estas korpoparencino de via patrino.

ערות אחות אמך לא תגלה כי שאר אמך הוא׃

La nudecon de frato de via patro ne malkovru, al lia edzino ne alproksimiĝu: ŝi estas via onklino.

ערות אחי אביך לא תגלה אל אשתו לא תקרב דדתך הוא׃

La nudecon de via bofilino ne malkovru: ŝi estas edzino de via filo, ne malkovru ŝian nudecon.

ערות כלתך לא תגלה אשת בנך הוא לא תגלה ערותה׃

La nudecon de edzino de via frato ne malkovru: ĝi estas nudeco de via frato.

ערות אשת אחיך לא תגלה ערות אחיך הוא׃

La nudecon de virino kaj de ŝia filino ne malkovru: filinon de ŝia filo kaj filinon de ŝia filino ne prenu, por malkovri ilian nudecon: ili estas korpoparencinoj; tio estas malĉasteco.

ערות אשה ובתה לא תגלה את בת בנה ואת בת בתה לא תקח לגלות ערותה שארה הנה זמה הוא׃

Kaj virinon kune kun ŝia fratino ne prenu kiel konkurantinon, por malkovri ŝian nudecon apud ŝi, dum ŝia vivo.

ואשה אל אחתה לא תקח לצרר לגלות ערותה עליה בחייה׃

Kaj al virino dum ŝia monata malpureco ne alproksimiĝu, por malkovri ŝian nudecon.

ואל אשה בנדת טמאתה לא תקרב לגלות ערותה׃

Kaj kun la edzino de via proksimulo ne kuŝu pro semo, malpuriĝante kun ŝi.

ואל אשת עמיתך לא תתן שכבתך לזרע לטמאה בה׃

Kaj el via idaro ne fordonu oferon al Moleĥ, kaj ne malhonoru la nomon de via Dio: Mi estas la Eternulo.

ומזרעך לא תתן להעביר למלך ולא תחלל את שם אלהיך אני יהוה׃

Kaj kun virseksulo ne kuŝu, kiel oni kuŝas kun virino: tio estas abomenaĵo.

ואת זכר לא תשכב משכבי אשה תועבה הוא׃

Kaj kun nenia bruto kuŝu, malpuriĝante per ĝi; kaj virino ne stariĝu antaŭ bruto, por kuniĝi: tio estas fiaĵo.

ובכל בהמה לא תתן שכבתך לטמאה בה ואשה לא תעמד לפני בהמה לרבעה תבל הוא׃

Ne malpuriĝu per ĉio ĉi tio; ĉar per ĉio ĉi tio malpuriĝis la popoloj, kiujn Mi forpelas de antaŭ vi.

אל תטמאו בכל אלה כי בכל אלה נטמאו הגוים אשר אני משלח מפניכם׃

Kaj malpuriĝis la tero, kaj Mi postulas respondon pri ĝia malbonagado, kaj la tero elĵetas siajn loĝantojn.

ותטמא הארץ ואפקד עונה עליה ותקא הארץ את ישביה׃

Sed vi observu Miajn leĝojn kaj Miajn decidojn, kaj ne faru iujn el tiuj abomenaĵoj, nek la indiĝeno, nek la fremdulo, kiu loĝas inter vi

ושמרתם אתם את חקתי ואת משפטי ולא תעשו מכל התועבת האלה האזרח והגר הגר בתוככם׃

(ĉar ĉiujn tiujn abomenaĵojn faris la homoj de tiu tero, kiuj loĝis antaŭ vi, kaj la tero malpuriĝis);

כי את כל התועבת האל עשו אנשי הארץ אשר לפניכם ותטמא הארץ׃

por ke la tero ne elĵetu ankaŭ vin, kiam vi malpurigos ĝin, kiel ĝi elĵetis la popolon, kiu estis antaŭ vi.

ולא תקיא הארץ אתכם בטמאכם אתה כאשר קאה את הגוי אשר לפניכם׃

Ĉar se iu faros ion el ĉiuj tiuj abomenaĵoj, la farantoj ekstermiĝos el sia popolo.

כי כל אשר יעשה מכל התועבות האלה ונכרתו הנפשות העשת מקרב עמם׃

Observu do Miajn ordonojn, por ke vi ne agu laŭ la abomenindaj leĝoj, laŭ kiuj oni agis antaŭ vi, kaj por ke vi ne malpuriĝu per ili: Mi estas la Eternulo, via Dio.

ושמרתם את משמרתי לבלתי עשות מחקות התועבת אשר נעשו לפניכם ולא תטמאו בהם אני יהוה אלהיכם׃