Job 38

38:1

La Eternulo el ventego ekparolis al Ijob, kaj diris:

ויען יהוה את איוב מן הסערה ויאמר׃

38:2

Kiu estas tiu, kiu mallumigas la plej altan decidon Per vortoj sensencaj?

מי זה מחשיך עצה במלין בלי דעת׃

38:3

Zonu kiel viro viajn lumbojn; Mi vin demandos, kaj vi sciigu al Mi.

אזר נא כגבר חלציך ואשאלך והודיעני׃

38:4

Kie vi estis, kiam Mi fondis la teron? Diru, se vi havas scion.

איפה היית ביסדי ארץ הגד אם ידעת בינה׃

38:5

Kiu starigis ĝiajn mezurojn, se vi tion scias? Aŭ kiu etendis super ĝi rektoŝnuron?

מי שם ממדיה כי תדע או מי נטה עליה קו׃

38:6

Sur kio estas enfortikigitaj ĝiaj bazoj, Aŭ kiu kuŝigis ĝian angulŝtonon,

על מה אדניה הטבעו או מי ירה אבן פנתה׃

38:7

Dum komuna glorkantado de la matenaj steloj Kaj ĝojkriado de ĉiuj filoj de Dio?

ברן יחד כוכבי בקר ויריעו כל בני אלהים׃

38:8

Kiu fermis la maron per pordoj, Kiam ĝi elpuŝiĝis kvazaŭ el la ventro de patrino;

ויסך בדלתים ים בגיחו מרחם יצא׃

38:9

Kiam Mi faris la nubon ĝia vesto Kaj mallumon ĝiaj vindaĵoj,

בשומי ענן לבשו וערפל חתלתו׃

38:10

Kaj starigis al ĝi limon Kaj faris riglilojn kaj pordojn,

ואשבר עליו חקי ואשים בריח ודלתים׃

38:11

Kaj diris: Ĝis ĉi tie aliru, sed ne plu, Kaj ĉi tie rompiĝados viaj majestaj ondoj?

ואמר עד פה תבוא ולא תסיף ופא ישית בגאון גליך׃

38:12

Ĉu vi en via vivo iam ordonis al la mateno, Montris al la matenruĝo ĝian lokon,

המימיך צוית בקר ידעתה שחר מקמו׃

38:13

Ke ĝi kaptu la randojn de la tero, Kaj ke la malpiuloj deskuiĝu el ĝi;

לאחז בכנפות הארץ וינערו רשעים ממנה׃

38:14

Ke ilia internaĵo renversiĝu kiel koto, Kaj ke ili tute konfuziĝu;

תתהפך כחמר חותם ויתיצבו כמו לבוש׃

38:15

Ke de la malpiuloj forpreniĝu ilia lumo, Kaj ilia malhumila brako estu rompita?

וימנע מרשעים אורם וזרוע רמה תשבר׃

38:16

Ĉu vi venis ĝis la fontoj de la maro? Kaj ĉu vi iradis sur la fundo de la abismo?

הבאת עד נבכי ים ובחקר תהום התהלכת׃

38:17

Ĉu malfermiĝis antaŭ vi la pordego de la morto? Kaj ĉu vi vidis la pordegon de la mallumego?

הנגלו לך שערי מות ושערי צלמות תראה׃

38:18

Ĉu vi pririgardis la larĝon de la tero? Diru, ĉu vi scias ĉion ĉi tion?

התבננת עד רחבי ארץ הגד אם ידעת כלה׃

38:19

Kie estas la vojo al la loĝejo de la lumo, Kaj kie estas la loko de la mallumo,

אי זה הדרך ישכן אור וחשך אי זה מקמו׃

38:20

Ke vi konduku ĝin al ĝia limo, Kaj ke vi rimarku la vojetojn al ĝia domo?

כי תקחנו אל גבולו וכי תבין נתיבות ביתו׃

38:21

Ĉu vi sciis, kiam vi naskiĝos Kaj kiel granda estos la nombro de viaj tagoj?

ידעת כי אז תולד ומספר ימיך רבים׃

38:22

Ĉu vi venis al la devenejo de la neĝo, Kaj ĉu vi vidis la devenejon de la hajlo,

הבאת אל אצרות שלג ואצרות ברד תראה׃

38:23

Kiujn Mi konservas por la tempo de suferado, Por la tago de batalo kaj milito?

אשר חשכתי לעת צר ליום קרב ומלחמה׃

38:24

Kie estas la vojo, laŭ kiu dividiĝas la lumo, Diskuras la orienta vento super la teron?

אי זה הדרך יחלק אור יפץ קדים עלי ארץ׃

38:25

Kiu destinis direkton por la fluo Kaj vojon por la tondra fulmo,

מי פלג לשטף תעלה ודרך לחזיז קלות׃

38:26

Por doni pluvon sur teron, kie neniu troviĝas, Sur dezerton senhoman,

להמטיר על ארץ לא איש מדבר לא אדם בו׃

38:27

Por nutri dezerton kaj stepon Kaj kreskigi verdan herbon?

להשביע שאה ומשאה ולהצמיח מצא דשא׃

38:28

Ĉu la pluvo havas patron? Aŭ kiu naskigis la gutojn de roso?

היש למטר אב או מי הוליד אגלי טל׃

38:29

El kies ventro eliris la glacio? Kaj kiu naskis la prujnon sub la ĉielo?

מבטן מי יצא הקרח וכפר שמים מי ילדו׃

38:30

Simile al ŝtono malmoliĝas la akvo, Kaj la supraĵo de la abismo kunfirmiĝas.

כאבן מים יתחבאו ופני תהום יתלכדו׃

38:31

Ĉu vi povas ligi la ligilon de la Plejadoj? Aŭ ĉu vi povas malligi la ligon de Oriono?

התקשר מעדנות כימה או משכות כסיל תפתח׃

38:32

Ĉu vi povas elirigi iliatempe la planedojn, Kaj konduki la Ursinon kun ĝiaj infanoj?

התציא מזרות בעתו ועיש על בניה תנחם׃

38:33

Ĉu vi konas la leĝojn de la ĉielo? Aŭ ĉu vi povas aranĝi ĝian regadon super la tero?

הידעת חקות שמים אם תשים משטרו בארץ׃

38:34

Ĉu vi povas levi al la nubo vian voĉon, Ke abundo da akvo vin kovru?

התרים לעב קולך ושפעת מים תכסך׃

38:35

Ĉu vi povas sendi fulmojn, Ke ili iru kaj diru al vi: Jen ni estas?

התשלח ברקים וילכו ויאמרו לך הננו׃

38:36

Kiu metis en la internon la saĝon? Kaj kiu donis al la koro la prudenton?

מי שת בטחות חכמה או מי נתן לשכוי בינה׃

38:37

Kiu estas tiel saĝa, ke li povu kalkuli la nubojn? Kaj kiu elverŝas la felsakojn de la ĉielo,

מי יספר שחקים בחכמה ונבלי שמים מי ישכיב׃

38:38

Kiam la polvo kunfandiĝas Kaj la terbuloj kungluiĝas?

בצקת עפר למוצק ורגבים ידבקו׃

38:39

Ĉu vi ĉasas kaptaĵon por la leonino, Kaj satigas la leonidojn,

התצוד ללביא טרף וחית כפירים תמלא׃

38:40

Kiam ili kuŝas en la nestegoj, Sidas embuske en la laŭbo?

כי ישחו במעונות ישבו בסכה למו ארב׃

38:41

Kiu pretigas al la korvo ĝian manĝaĵon, Kiam ĝiaj idoj krias al Dio, Vagflugas, ne havante, kion manĝi?

מי יכין לערב צידו כי ילדו אל אל ישועו יתעו לבלי אכל׃