Genesis 9

9:1

　神赐福给挪亚和他的儿子，对他们说：「你们要生养众多，遍满了地。

ויברך אלהים את נח ואת בניו ויאמר להם פרו ורבו ומלאו את הארץ׃

9:2

凡地上的走兽和空中的飞鸟都必惊恐，惧怕你们，连地上一切的昆虫并海里一切的鱼都交付你们的手。

ומוראכם וחתכם יהיה על כל חית הארץ ועל כל עוף השמים בכל אשר תרמש האדמה ובכל דגי הים בידכם נתנו׃

9:3

凡活著的动物都可以作你们的食物。这一切我都赐给你们，如同菜蔬一样。

כל רמש אשר הוא חי לכם יהיה לאכלה כירק עשב נתתי לכם את כל׃

9:4

惟独肉带著血，那就是牠的生命，你们不可吃。

אך בשר בנפשו דמו לא תאכלו׃

9:5

流你们血、害你们命的，无论是兽是人，我必讨他的罪，就是向各人的弟兄也是如此。

ואך את דמכם לנפשתיכם אדרש מיד כל חיה אדרשנו ומיד האדם מיד איש אחיו אדרש את נפש האדם׃

9:6

凡流人血的，他的血也必被人所流，因为　神造人是照自己的形像造的。

שפך דם האדם באדם דמו ישפך כי בצלם אלהים עשה את האדם׃

9:7

你们要生养众多，在地上昌盛繁茂。」

ואתם פרו ורבו שרצו בארץ ורבו בה׃

9:8

　神晓谕挪亚和他的儿子说：

ויאמר אלהים אל נח ואל בניו אתו לאמר׃

9:9

「我与你们和你们的后裔立约，

ואני הנני מקים את בריתי אתכם ואת זרעכם אחריכם׃

9:10

并与你们这里的一切活物─就是飞鸟、牲畜、走兽，凡从方舟里出来的活物─立约。

ואת כל נפש החיה אשר אתכם בעוף בבהמה ובכל חית הארץ אתכם מכל יצאי התבה לכל חית הארץ׃

9:11

我与你们立约，凡有血肉的，不再被洪水灭绝，也不再有洪水毁坏地了。」

והקמתי את בריתי אתכם ולא יכרת כל בשר עוד ממי המבול ולא יהיה עוד מבול לשחת הארץ׃

9:12

　神说：「我与你们并你们这里的各样活物所立的永约是有记号的。

ויאמר אלהים זאת אות הברית אשר אני נתן ביני וביניכם ובין כל נפש חיה אשר אתכם לדרת עולם׃

9:13

我把虹放在云彩中，这就可作我与地立约的记号了。

את קשתי נתתי בענן והיתה לאות ברית ביני ובין הארץ׃

9:14

我使云彩盖地的时候，必有虹现在云彩中，

והיה בענני ענן על הארץ ונראתה הקשת בענן׃

9:15

我便记念我与你们和各样有血肉的活物所立的约，水就再不泛滥、毁坏一切有血肉的物了。

וזכרתי את בריתי אשר ביני וביניכם ובין כל נפש חיה בכל בשר ולא יהיה עוד המים למבול לשחת כל בשר׃

9:16

虹必现在云彩中，我看见，就要记念我与地上各样有血肉的活物所立的永约。」

והיתה הקשת בענן וראיתיה לזכר ברית עולם בין אלהים ובין כל נפש חיה בכל בשר אשר על הארץ׃

9:17

　神对挪亚说：「这就是我与地上一切有血肉之物立约的记号了。」

ויאמר אלהים אל נח זאת אות הברית אשר הקמתי ביני ובין כל בשר אשר על הארץ׃

9:18

出方舟挪亚的儿子就是闪、含、雅弗。含是迦南的父亲。

ויהיו בני נח היצאים מן התבה שם וחם ויפת וחם הוא אבי כנען׃

9:19

这是挪亚的三个儿子，他们的后裔分散在全地。

שלשה אלה בני נח ומאלה נפצה כל הארץ׃

9:20

挪亚作起农夫来，栽了一个葡萄园。

ויחל נח איש האדמה ויטע כרם׃

9:21

他喝了园中的酒便醉了，在帐棚里赤著身子。

וישת מן היין וישכר ויתגל בתוך אהלה׃

9:22

迦南的父亲含看见他父亲赤身，就到外边告诉他两个弟兄。

וירא חם אבי כנען את ערות אביו ויגד לשני אחיו בחוץ׃

9:23

于是闪和雅弗拿件衣服搭在肩上，倒退著进去，给他父亲盖上；他们背著脸就看不见父亲的赤身。

ויקח שם ויפת את השמלה וישימו על שכם שניהם וילכו אחרנית ויכסו את ערות אביהם ופניהם אחרנית וערות אביהם לא ראו׃

9:24

挪亚醒了酒，知道小儿子向他所作的事，

וייקץ נח מיינו וידע את אשר עשה לו בנו הקטן׃

9:25

就说：迦南当受咒诅，必给他弟兄作奴仆的奴仆；

ויאמר ארור כנען עבד עבדים יהיה לאחיו׃

9:26

又说：耶和华─闪的　神是应当称颂的！愿迦南作闪的奴仆。

ויאמר ברוך יהוה אלהי שם ויהי כנען עבד למו׃

9:27

愿　神使雅弗扩张，使他住在闪的帐棚里；又愿迦南作他的奴仆。

יפת אלהים ליפת וישכן באהלי שם ויהי כנען עבד למו׃

9:28

洪水以后，挪亚又活了三百五十年。

ויחי נח אחר המבול שלש מאות שנה וחמשים שנה׃

9:29

挪亚共活了九百五十岁就死了。

ויהיו כל ימי נח תשע מאות שנה וחמשים שנה וימת׃