Genesis 50

约瑟伏在他父亲的面上哀哭，与他亲嘴。

ויפל יוסף על פני אביו ויבך עליו וישק לו׃

约瑟吩咐伺候他的医生用香料薰他父亲，医生就用香料薰了以色列。

ויצו יוסף את עבדיו את הרפאים לחנט את אביו ויחנטו הרפאים את ישראל׃

薰尸的常例是四十天；那四十天满了，埃及人为他哀哭了七十天。

וימלאו לו ארבעים יום כי כן ימלאו ימי החנטים ויבכו אתו מצרים שבעים יום׃

为他哀哭的日子过了，约瑟对法老家中的人说：「我若在你们眼前蒙恩，请你们报告法老说：

ויעברו ימי בכיתו וידבר יוסף אל בית פרעה לאמר אם נא מצאתי חן בעיניכם דברו נא באזני פרעה לאמר׃

『我父亲要死的时候叫我起誓说：你要将我葬在迦南地，在我为自己所掘的坟墓里。』现在求你让我上去葬我父亲，以后我必回来。」

אבי השביעני לאמר הנה אנכי מת בקברי אשר כריתי לי בארץ כנען שמה תקברני ועתה אעלה נא ואקברה את אבי ואשובה׃

法老说：「你可以上去，照著你父亲叫你起的誓，将他葬埋。」

ויאמר פרעה עלה וקבר את אביך כאשר השביעך׃

于是约瑟上去葬他父亲。与他一同上去的，有法老的臣仆和法老家中的长老，并埃及国的长老，

ויעל יוסף לקבר את אביו ויעלו אתו כל עבדי פרעה זקני ביתו וכל זקני ארץ מצרים׃

还有约瑟的全家和他的弟兄们，并他父亲的眷属；只有他们的妇人孩子，和羊群牛群，都留在歌珊地。

וכל בית יוסף ואחיו ובית אביו רק טפם וצאנם ובקרם עזבו בארץ גשן׃

又有车辆马兵，和他一同上去；那一帮人甚多。

ויעל עמו גם רכב גם פרשים ויהי המחנה כבד מאד׃

他们到了约旦河外、亚达的禾场，就在那里大大地号咷痛哭。约瑟为他父亲哀哭了七天。

ויבאו עד גרן האטד אשר בעבר הירדן ויספדו שם מספד גדול וכבד מאד ויעש לאביו אבל שבעת ימים׃

迦南的居民见亚达禾场上的哀哭，就说：「这是埃及人一场极大的哀哭。」因此那地方名叫亚伯‧麦西，是在约旦河东。

וירא יושב הארץ הכנעני את האבל בגרן האטד ויאמרו אבל כבד זה למצרים על כן קרא שמה אבל מצרים אשר בעבר הירדן׃

雅各的儿子们就遵著他父亲所吩咐的办了，

ויעשו בניו לו כן כאשר צום׃

把他搬到迦南地，葬在幔利前、麦比拉田间的洞里；那洞和田是亚伯拉罕向赫人以弗崙买来为业，作坟地的。

וישאו אתו בניו ארצה כנען ויקברו אתו במערת שדה המכפלה אשר קנה אברהם את השדה לאחזת קבר מאת עפרן החתי על פני ממרא׃

约瑟葬了他父亲以后，就和众弟兄，并一切同他上去葬他父亲的人，都回埃及去了。

וישב יוסף מצרימה הוא ואחיו וכל העלים אתו לקבר את אביו אחרי קברו את אביו׃

约瑟的哥哥们见父亲死了，就说：「或者约瑟怀恨我们，照著我们从前待他一切的恶足足的报复我们。」

ויראו אחי יוסף כי מת אביהם ויאמרו לו ישטמנו יוסף והשב ישיב לנו את כל הרעה אשר גמלנו אתו׃

他们就打发人去见约瑟，说：「你父亲未死以先吩咐说：

ויצוו אל יוסף לאמר אביך צוה לפני מותו לאמר׃

『你们要对约瑟这样说：从前你哥哥们恶待你，求你饶恕他们的过犯和罪恶。』如今求你饶恕你父亲　神之仆人的过犯。」他们对约瑟说这话，约瑟就哭了。

כה תאמרו ליוסף אנא שא נא פשע אחיך וחטאתם כי רעה גמלוך ועתה שא נא לפשע עבדי אלהי אביך ויבך יוסף בדברם אליו׃

他的哥哥们又来俯伏在他面前，说：「我们是你的仆人。」

וילכו גם אחיו ויפלו לפניו ויאמרו הננו לך לעבדים׃

约瑟对他们说：「不要害怕，我岂能代替　神呢？

ויאמר אלהם יוסף אל תיראו כי התחת אלהים אני׃

从前你们的意思是要害我，但　神的意思原是好的，要保全许多人的性命，成就今日的光景。

ואתם חשבתם עלי רעה אלהים חשבה לטבה למען עשה כיום הזה להחית עם רב׃

现在你们不要害怕，我必养活你们和你们的妇人孩子。」于是约瑟用亲爱的话安慰他们。

ועתה אל תיראו אנכי אכלכל אתכם ואת טפכם וינחם אותם וידבר על לבם׃

约瑟和他父亲的眷属都住在埃及。约瑟活了一百一十岁。

וישב יוסף במצרים הוא ובית אביו ויחי יוסף מאה ועשר שנים׃

约瑟得见以法莲第三代的子孙。玛拿西的孙子、玛吉的儿子也养在约瑟的膝上。

וירא יוסף לאפרים בני שלשים גם בני מכיר בן מנשה ילדו על ברכי יוסף׃

约瑟对他弟兄们说：「我要死了，但　神必定看顾你们，领你们从这地上去，到他起誓所应许给亚伯拉罕、以撒、雅各之地。」

ויאמר יוסף אל אחיו אנכי מת ואלהים פקד יפקד אתכם והעלה אתכם מן הארץ הזאת אל הארץ אשר נשבע לאברהם ליצחק וליעקב׃

约瑟叫以色列的子孙起誓说：「　神必定看顾你们；你们要把我的骸骨从这里搬上去。」

וישבע יוסף את בני ישראל לאמר פקד יפקד אלהים אתכם והעלתם את עצמתי מזה׃

约瑟死了，正一百一十岁。人用香料将他薰了，把他收殓在棺材里，停在埃及。

וימת יוסף בן מאה ועשר שנים ויחנטו אתו ויישם בארון במצרים׃